Mareferensiya e Urongwa we Musangano Basa Redu uye Kurarama
SETEMBRO 5-11
UPFUMI UNOBVA MU SOKO RA MWARI | 1 MADZIMAMBO 9-10
“Kudzai Djehovha nge Ungwaru Wake”
w99 7/1 paji. 30 ndi. 6
Vhakaciro Yakagara no Mubairo Mukuru
Paakasongana na Soromoni, mambokadzi wakatanga kumuedza no “mibvunzo dzinoshupha.” (1 Madzimambo 10:1) Soko re cihebheru rakaseenzeswa apa ringaturikirhwa kuti “zvirahwe.” Asi izvi azvirei hazvo kuti mambokadzi wakaita mitambo isina basa na Soromoni. Zvinonyanya kukosha nge zve kuti soko rimwero mu cihebheru rinoseenzeswa pana Pisarema 49:4 kuti ripanganidze shwiro kwadzo dzakaringana no citema, rufu uye rusudzunuro. Zvingaitawo kuti mambokadzi we ku Shebha pamweni wakacedzawo na Soromoni nge zve shwiro yakadzika, yakaedza kudzika ko ungwaru wake. Bhaibheri rinobhuya kuti iyena “wakatanga kumubvunza zvese zvainga zviri mu mwoyo.” Ngokudaro Soromoni “waikwanisa kudaira mibvunzo dzake dzese. Apana ciro cainga cakaigirhwa mambo, caainga asikakwanisi kumubvunza.” —1 Madzimambo 10:2b, 3.
w99 11/1 paji. 20 ndi. 6
Panonga Pano Rupo Rakawanda
Ngokushamiswa nge zvese zvaakazwa no zvaakaona, mambokadzi we ku Shebha wakadaira ecidzidodosa kuti: “Anopfara anarume enyu, anopfara aseenzi enyu aya ari pamberi penyu nguwa dzese ecipurutana ungwaru wenyu!” (1 Madzimambo 10:4-8) Iyena aazi kubhuya kuti aseenzi a Soromoni ainga akapfara nge ndaa yekuti ainga akatenderedzwa ne upfumi—kunyazi ainga atorinawo. Kareko, aseenzi a Soromoni aikomborerhwa ngokuzwa nguwa dzese ungwaru wa Soromoni waakapaswa ndi Mwari. Mambokadzi we Shebha muezaniso wakanaka maningi ku aseenzi a Djehovha mazuwa ano, anodakadzwa no ungwaru wa Mwari uye no we mwana wake Djesu Kristu!
w99 7/1 mapaji. 30-31
Vhakaciro Yakagara no Mubairo Mukuru
Mambokadzi we Shebha wakashamisika maningi nge ndaa ye ungwaru wa Soromoni uye nokubudirira kake pa umambo wake, zvekuti “wakapangidza kuti wainga asisinazve zvekureketa.” (1 Madzimambo 10:4, 5) Amweni anorangarira kuti masoko aya anoda kureya kuti mambokadzi wainga asikakwanisi “kufema.” Mutari umweni wakatobhuya kuti iyena wainga akomoka. Kunyazi zvakadaro mambokadzi wakashamisika ngo zvaakaona uye no zvaakazwa. Iyena wakati aseenzi a Soromoni aipfara ngo kuzwa ungwaru wa mambo, uye wakakudza Djehovha nge kugadza Soromoni hinga mambo. Pedzepo wakapasa mambo zvipo zvinodhura, zvekutoti oro basi, pa mare ye nyamasi uno ingada kukwana kuita $40000000. Soromoni wakapasawo mambokadzi “zvese zvaakamukumbira.”—1 Madzimambo 10:6-13.
Upfumi Watinogumira mu Bhaibheri
w08 11/1 paji. 22 mandi. 4-6
Maizviziya Here?
Oro ya Mambo Soromoni Yainga Yakawanda Kudini?
Matarhwa anobhuya kuti Hiramu mambo we ku Tiro wakatumira matoneradha 4 e oro kuna Soromoni, mambokadzi we ku Shebha wakatumirawo oro yakawanda, magrupu a Soromoni akaunzisa matoneradha 15 e oro kubva ku Ofiri. “Ngano yakhona inoti Soromoni wakatumirhwa oro yakawanda mu gore rimwe basi yairema matoneradha e oro anokwana kuita mazana matanhatu no makumi matanhatu no matanhatu” kana kuti matoneradha anodarika 25. (1 Madzimambo 9:14, 28; 10:10, 14) Kodi masoko aya ngee cokwadi here? Mbuto dzaicengeterhwa oro ya mambo dzainga dzakakura kudini kareko?
Masoko amweni akatarhwa kare anozwi nge azii kuti ngee zvirokwazvo, anoti Pfarao Tutmes III, wo ku Edjipitu (mumireniyo yecipiri K.A.A.) wakaunzisa matoneradha anokwana 13.5 e oro ku tempro ya Amon-Ra ku Karnak. Muzana re makore re cisere K.A.A., Mambo we ku Asiriya Tigrati-pireseri III, wakapaswa matoneradha anodarika 4 e oro hinga muripo kubvaku Tiro, uye Sagoni II akapasawo oro yakawanda hingana cipo ku madzimwari e Bhabhironiya. Mambo Firipi II wo ku Masedhoniya (359-336 K.A.A.) zvinozwi waicera matoneradha anodarika 28 e oro mu gore rimwe na rimwe mumigodhi ye Pangaeum mu Trasia.
Mwana wa Firipi waizwi Alexandre Mukuru (336-323 K.A.A.) wakarhwisa thaundi re ku Persia ku Suza, zvaizwi kuti wakatora matoneradha anokwana 1180 e oro ikona uye matoneradha aida kukwana 7000 e oro ku Persiya yese. Hino tikaezanisa no masoko aya no zvinobhuya Bhaibheri nge zve kuwanda ke oro yainga na Mambo Soromoni zvinopangidza kuti i zvirokwazvo.
SETEMBRO 12-18
UPFUMI UNOBVA MU SOKO RA MWARI | 1 MADZIMAMBO 11-12
“Sanangurai Wamucawakana Naye no Ungwaru”
w18.07 paji. 18 ndi. 7
“Ndiani Uri ku Dii ra Djehovha?”
Tingafunda zvakawanda no muezaniso wa Mambo Soromoni. Paainga ari mu djaha, Soromoni nguwa dzese waikumbira nhungamiriro dza Djehovha. Ndiyo ndaa Mwari akamupasa ungwaru wakawanda uye no cikomborero cokuwaka tempro yakarungama ku Djerusarema. Asi Soromoni wakasiya kugara shamwari ya Djehovha. (1 Mad. 3:12; 11:1, 2) Mutemo wa Mwari wainyasa kubhuya zvakadjeka kuti mambo we Cihebheru wainga asikadikani kugara no akadzi akawanda, “kuti mwoyo wake usapauswe” (Dhe. 17:17) Soromoni aazi kupurutana mutemo uu. Iyena wakawaka akadzi 700 uye watora akadzi amweni 300. (1 Mad. 11:3) Akawanda akhona ainga asiripi Aisraeri uye ainamata madzimwari e manyepo. Nge ndaa yazvo Soromoni aazi kupurutana mutemo wa Mwari wairambidza kuwaka anakadzi e nyika dzimweni.—Dhe. 7:3, 4.
w19.01 paji. 15 ndi. 6
Mungacengetedza Kudini Mwoyo Wenyu?
Sathani unoda kuti tigare hingana iyena—mupanduki usikareremedzi mitemo ya Djehovha uye unoda zvakamunakira basi. Sathani aatibambidziri kuti tirangarire uye tiite hinga iyena. Hino iyena unoita zviri zvese kuti tiite zvakashata ngo mushobo wakasiyana-siyana. Hinga muezaniso, anotitenderedza no anhu aakashatisa kare. (1 Juau 5:19) Iyena anoda kuti tisanangure kupedza nguwa yakawanda nawo, kunyazi teciziya kuti ushamwari wakashata “unokanganisa” marangariro no maitiro edu. (1 Ako. 15:33; masoko e pasi) Murau uwona wakaseenza kuna Mambo Soromoni. Iyena wakawaka anakadzi akawanda ainga asikanamati Djehovha, uye pakudzesera “akagara no simba paari” uye “akapausa mwoyo wake padoko no padoko” kubva pana Djehovha.—1 Mad. 11:3; masoko e pasi.
w18.07 paji. 19 ndi. 9
“Ndiani Uri ku Dii ra Djehovha?”
Asi anhu paanoita zvakashata Djehovha aasii zvakadaro. Bhaibheri rinoti: “Djehovha akatsamwira Soromoni, ngekuti mwoyo wake wainga wapauka pana Djehovha . . . , ainga akamuwiira kairi kese ecimubvunza nge ndaa yazvo, kuti iyena wainga asikadikani kuteera madzimwari amweni. Asi Soromoni aazi kupurutana mutemo wa Djehovha.” Nge ndaa yazvo, Mwari wakasiya kumupfarira uye kumutsigira. Madzimambo akauya mumasure ma Soromoni aazi kuzotonga dzinza rese re Aisraeri uye akasongana no matambudziko akawanda ke makore akawanda akazoteera.—1 Mad. 11:9-13
Upfumi Watinogumira mu Bhaibheri
w18.06 paji. 14 mandi. 1-4
Iyena Waikwanisa Kuzopfarirhwa na Mwari
Robhoamu wakaunganidza anyahondo ake kuti arhwise madzinza ainga apanduka. Asi Djehovha aazi kusiya mambo kuti aende ku hondo. Ayena akatuma muphorofita Simeiya kuti abvunze Robhoamu kuti: “Musaende koorhwisa hama dzenyu Aisraeri. Umwe na umwe wenyu ngaahwirire kumba kake, ngekuti zviro izvi Ndini ndaita kuti zviitike.”—1 Mad. 12:21-24.
Kutama kwenda ku hondo? Cimborangaridzai kuti izvona zvakanyangadza kudini Robhoamu! Anhu aizorangarirei nge zvake? Iyena wainga athyisidzira anhu kuti aizoabvenga no “djakwi rino munzwa.” Hino aizosiya anhu ecipanduka zvakadaro? (Ezanisai na 2 Makoronika 13:7.) Kunyazi zvakadaro, mambo uye no anyahondo “akapurutana soko ra Djehovha uye akahwirira kumba, maererano no zvakabhuiwa na Djehovha.”
Izvona zvinotifundisei? Kuzwira Djehovha i ciro cakanaka maningi, kunyazi izvona zveciita kuti tipsveruke no zviya zvaizorangarirhwa no anhu. Kana tikazwira Djehovha nguwa dzese, ayena acatikomborera.—Dhe. 28:2.
Robhoamu wakakomborerhwa kudini nge kuzwira Djehovha? Iyena wakarumbwa ari mambo we Djudha uye Bhenjami. Robhoamu wakakanda ndangariro dzake pa kuwaka mathaundi ainga ari mu nharaundemo, uye iyena “wakanyasa kuabambisa.” (2 Mak. 11:5-12) Uye cinonyanya kukosha ngecekuti, pano nguwa imweni yokuti Robhoamu wakazwira mitemo ya Djehovha. Madzinza gumi aitongwa na Djerobhoamu ainamata mifanikiso. Hino, anhu akawanda aigara ikona “akatsigira Robhoamu.” Awona aienda ku Djerusarema kuti apangidze kuti ainga ari ku dii re kunamata ke cokwadi. (2 Mak. 11:16, 17) Nge ndaa ye kuzwira ka Robhoamu Djehovha akaita kuti umambo wake unyase kubamba.
SETEMBRO 19-25
UPFUMI UNOBVA MU SOKO RA MWARI | 1 MADZIMAMBO 13-14
“Ngei Tecidikana Kugutsikana uye Kugara no Maonero Ari Pakati no Pakati?”
w08 8/15 paji. 8 ndi. 4
Kandai Mwoyo Wenyu pa Ciro Cimwe Basi Kuti Murumbwe Makagondeka
Djerobhoamu wakati ku munhu wa Mwari we cokwadi: “Hambai tese kumba, murhye zvokurhya, uye ndimupasei cipo.” (1 Mad. 13:7) Muphorofita wakhona waidikana kuitei? Iyena waida kutenda kuenda na mambo mumasure mekumubvunza kuti acatongwa here? (Pis. 119:113) Kana kuti oramba muphiko wa mambo, kunyazi hazvo zveciita hingana acinyuka? Zvezvirokwazvo Djerobhoamu wainga ano zviro zvakawanda zvinodhura zvaaikwanisa kupasa shamwari dzake. Kana muphorofita wa Mwari wainga ano cido cokuda zviro zve kunyama, zviri pamhene kuti zvirikubhuiwa na mambo zvingaita muedzo mukuru. Djehovha ainga abvunza muphorofita wakhona kuti: “Usarhye zvokurhya kana kumwa mvura uye usahwirire no gwanza rawaenda naro.” Hino muphorofita wakanyasa kudaira kuti: “Kunyazi maizondipasa hafu ye nyumba yenyu ndainga ndisikadi kuenda nemwi, kana kurhya zvokurhya, kumwa mvura mu mbuto ino.” Uye muphorofita wakhona wakabuda mu Bheteri oenda no gwanza rimweni. (1 Mad. 13:8-10) Cisananguro co muphorofita uu cinotifundisei nge zve kugondeka no mwoyo wese?—Aro. 15:4.
w08 8/15 paji. 11 ndi. 15
Kandai Mwoyo Wenyu pa Ciro Cimwe Basi Kuti Murumbwe Makagondeka
Tingafundeizve pa cishaishi co muphorofita wo ku Djudha? Zvierengo 3:5 inoti: “Gonda Djehovha no mwoyo wako wese, usagonde kuzwisisa kako.” Pane kugonda Djehovha, hingana zvaaita kare, panguwa iyona muphorofita wo ku Djudha wakagonda nokuzwisisa kake. Izvi zvakaita kuti aruze ukama wake na Mwari uye no upenyu wake. Zvakaitika kaari zvinopangidza kuti kunokosha maningi kuseenzera Djehovha no maonero ari pakati no pakati uye kugondeka.
w08 8/15 paji. 9 ndi. 10
Kandai Mwoyo Wenyu pa Ciro Cimwe Basi Kuti Murumbwe Makagondeka
Muphorofita we ku Djudha waidikana kunyasa kuona kuti waitsotswa no muphorofita wakura. Waidikana kudzibvunzisa kuti: ‘Ngei Djehovha wazotuma ngirozi ku munhu umweni kuti azondibvunze zvokuita?’ Muphorofita waidikana kukumbira Djehovha kuti amubvunze kuti zvaainga abvunzwa ndizvona here, asi matarhwa aabhuyi kuti ndizvo zvaakaita. Pane kudaro, iyena “wakahwirira naye [mwanarume wakura] kuti arhye zvokurhya mu nyumba make uye kumwa mvura.” Djehovha aazi kuzvipfarira. Muphorofita uu wakatsotswa paihwirira ku Djudha, wakasongana no mhondoro yomuuraya. Basa riya re uphorofita rakabva raperera ipona!—1 Mad. 13:19-25.
Upfumi Watinogumira mu Bhaibheri
w10 7/1 paji. 29 ndi. 5
Ayena Anopsvaka Cakanaka Katiri
Cinonyanya kukosha ngecekuti masoko ari pana 1 Madzimambo 14:13 anotifundisa ciro cakanaka nge zva Djehovha uye no caanopsvaka katiri. Edzurirai kuti “pakaoneka ciro” cakanaka kuna Abhias. Zviri pamhene kuti Djehovha wakaongorora mwoyo wa Abhias dakara aona ciro cakanaka kaari. Muzii umweni unoti: peciezaniswa no mhuri yake Abhias, waiita hingana upfumi umwe basi uri “pakati pe mapuwe akawanda.” Djehovha akakoshesa mawara a Abhias uye akamukomborera, ecimupangidzira usisi ku munhu uu we ku mhuri inoita zvakashata.
SETEMBRO 26–OTUBRO 2
UPFUMI UNOBVA MU SOKO RA MWARI | 1 MADZIMAMBO 15-16
“Aza Wakapangidza Ushingi—Munopangidzawo Here?”
w12 8/15 paji. 8 ndi. 4
“Mucapuwa Mubairo nge Basa Renyu”
Makore 20 akazotera mumasure mekukowanisa madzinza e Aisraeri kugara umambo uwiri, umambo we Djudha wakashatiswa no tsika dzakashata. Aza paakagara mambo, muna 977 K.A.A., anhu e mu nyumba ya mambo ainga atosvipiswawo no kunamata anamwari e zvibereko zve ku Kanani. Asi ngano yakafemerhwa ye kutonga ka Aza inoti, iyena “wakaita zvainga zvakanaka uye zvino unatsi pamberi pa Djehovha, Mwari wake.” Aza wakabvisa Artari dze kunyika dzimweni uye no mbuto dzakakhwirira, “wakaphwanya mbuto dzawo dzekunamatira uye akagura maphoo aaiseenzesa pa kunamata.” (2 Mak. 14:2, 3) Aza wakabvisawo mu umambo wa Djudha “anarume aiita uhure pa basa ro mutempro” aiita uhure eciti ari kunamata. Aza aazi kuita izvona basi. Wakakohomedzesawo anhu kuti “apsvake Djehovha, Mwari wo madzitsekuru awo” uye kuti acengete “mutemo, no nhungamiriro” dza Mwari.—1 Mad. 15:12, 13; 2 Mak. 14:4.
w17.03 paji. 19 ndi. 7
Seenzerai Djehovha no Mwoyo Wenyu Wese
Tingateedzera mambo Aza ngekuseenzera Mwari no mwoyo wese, kunyazi pazvinonga zvecishupha. Tingazviziya kudini kuti tiri kuita izvona? Tingadzibvunzisa kuti: ‘Kodi ndakashinga here kurumbwa ndakagondeka kuna Djehovha uye kudziirira ungano kuti irumbwe yakacena?’ Zvaidikana kugara no ushingi kuti Aza abvise “mbiya” ake Maaka. Pamweni paya tinotodikana kugara no ushingi hingana mambo Aza. Hinga muezaniso, cimborangarirai kuti hama yenyu kana kuti shamwari yenyu yopadhuze yadzingwa mu ungano ngekuti yaita citema uye aizi kucinyuka. Imwimwi maizosanangura kusiya kushamwaridzana no munhuwo? Maizoitei pakadaro?
it-1 paji. 225
Aza
Pasinei nokutama ungwaru uye zwisiso yekumwiya yaakapangidza pa nguwa imweni, zviri pamhene kuti Aza waipangidza mawara akanaka uye wainga asikaiti kunamata ke manyepo, zviro zvaakaita zvakanaka zvaidarika ngekure zvishaishi zvake, uye iyena waizwi ndi umwe we madzimambo akagondeka mu dzinza ra Djudha. (2Mk 15:17) Kutonga ka Aza ke makore 41 kakaezana padoko kana kuti pa zvese no kutonga ke madzimambo masere e Israeri: Djerobhoamu, Nadhabhi, Bhaasa, Eraa, Zinri, Onri, Tibni (aitonga dii rimwe re Israeri ecishuphana na Onri), uye Akabhi. (1Md 15:9, 25, 33; 16:8, 15, 16, 21, 23, 29) Aza paakafa, mwana wake Djeosafati wakagara mambo.—1Md 15:24.
Upfumi Watinogumira mu Bhaibheri
w98 9/15 mapaji. 21-22
Mwari ndi Munhu we Zvirokwazvo Kamuri Here?
Nge muezaniso, erengai uphorofita unobhuya nge zve kuphanishwa nge kuwakazve Djeriko uye rangaridzai nge zve kudzadzika kawo. Djoshuwa 6:26 inoti: “Panguwa iyona Djoshuwa wakapika eciti: ‘Munhu unozomuka owaka thaundi iri ro Djeriko ngaatukwe. Ucaruza mwana wake we dangwe paanonga ecicera fundasao, uye pakukanda musuwo yaro ucaripa ngekuruza mwana wake wekupedzesera.’” Zvakazodzadzika padarika makore anokwana 500, tinozvierenga pana 1 Madzimambo 16:34 kuti: “Mu [mazuwa a Mambo Akabhi] Hieri Mubhetheri wakawaka Djeriko. Wakafirhwa no dangwe rake Abhiramu ngo kuita fundasao yaro, uye wakafirhwa no mwana wake wekupedzesera, Segubhi pa nguwa yaaikanda musuo yaro, maererano no masoko a Djehovha aainga abhuya eciseenesa Djoshuwa mwana wa Nuni.” Mwari akagondeka basi ndiye anokwanisa kufemera uphorofita wakadai uye ouita kuti udzadzike.
OTUBRO 3-9
UPFUMI UNOBVA MU SOKO RA MWARI | 1 MADZIMAMBO 17-18
“Mucapedza Nguwa Yakareba Kudini Mecirangarira nge zve Maonero Mairi Akasiyana?”
w17.03 paji. 14 ndi. 6
Garai Nekutenda Muna Djehovha—Uye Itai Zvisananguro Zvakanaka!
Aisraeri paainga oogara mu Nyika Yakapikirhwa, aidikana kuita cisananguro cinokosha cekuti aizonamata Djehovha here (kana kuti madzimwari e manyepo). (Erengai Djoshuwa 24:15.) Cisananguro icona caiita hingana ciri nyore, asi zve zvirokwazvo caikosha maningi. Ngekuti zvaaizosanangura zvaikwanisa kuita kuti ararame kana kufa. Panguwa yekuti Djehovha waiseenzesa Atongi kuti atungamirire anhu ake, Aisraeri aigara eciita zvisananguro zvisikazi kunaka. Aona akasiya Djehovha onamata madzimwari okunyepa. (Ato. 2:3, 11-23) Nokuhamba ke nguwa, mumazuwa a muphorofita Eriya anhu aidikanazve kuita cisananguro: Kuseenzera Djehovha kana kuti mwari wokunyepa Bhaari. (1 Mad. 18:21) Eriya wakaabvunza kuti aidikana kusanangura dii raaida kutsigira. Imwimwi pamweni mungarangarira: Cisananguro icona cainga cirinyore. Kuseenzera Djehovha iciro cagara cakanaka maningi! Izvirokwazvo, kuti apana munhu unonyasa kurangarira waizogara no cido cokuda kunamata mwari wokunyepa hingana Bhaari. Kunyazi zvakadaro, a Israeri aya ainga ano “mwoyo miiri.” Eriya wakanyasa kuabvunza uye wakaakohomedzesa kuti asanangure Mwari umwe—we cokwadi Djehovha.
ia paji. 88 ndi. 15
Iyena Wakadziirira Kunamata Kakacena
Apristi a Bhaari akatunhudzira kuita zve masarapita, “ecikakarara uye ecidziceka-ceka no mapanga uye no masupada akakura maererano no tsika dzawo, dakara aita kuti ngazi ierere paari.” Zvese izvi apana zvazvakabetsera! “Kainga kusina izwi, apana waidaira, uye apana waipurutana.” (1 Mad. 18:28, 29) Zvezvirokwazwo, kainga kusina Bhaari. Iyena wainga ari ciro cakatangwa na Sathani kuti apause anhu pana Djehovha. Cokwadi ngecekuti, kusanangura tenzi kunyazi upi hake asiripi Djehovha kunoitisa kuti munhu aore mwoyo, kunyazi kutopsveruka.—Erengai Pisarema 25:3; 115:4-8.
ia paji. 90 ndi. 18
Iyena Wakadziirira Kunamata Kakacena
Eriya asati aita munamato, anhu akawanda ainga aripo ainetseka ecirangarira kuti pamweni Djehovha ainga ari mwari we manyepo, hinga zvakaita Bhaari. Asi mumasure me munamato, painga pasisinazve nguwa yekuti anetseke ngekuda kuziya. Ngano yakhona inoti: “Muriro wa Djehovha wakabva wabuda wopisa cipo cinopiswa no huni, mapuwe uye no mavhu, wonanzva mvura yainga iri mumugero.” (1 Mad. 18:38) Yainga iri mhinduro inoshamisa kamare! Uye anhu akati kudini?
Upfumi Watinogumira mu Bhaibheri
w08 4/1 paji. 19, bhokisi
Iyena Wakaona, uye Woetsera
Pakadarika Makore Mangana Kusikanayi Mumazuwa a Eriya?
Muphorofita wa Djehovha Eriya wakaziisa Mambo Akabhi kuti kutama kunaya ke mvura ke nguwa yakareba kainga kooda kupera. Izvi zvakaitika “mu gore re citatu”—tecierenga kubvira pa zuwa irona rekuti Eriya aziisa ngezve kutama kunaya ke mvura. (1 Madzimambo 18:1) Djehovha akanayisa mvura mumasure mekuti Eriya abhuya kuti aizodaro. Amweni pamweni akaguma pakuti kutama kunaya ke mvura kakapera mukati me gore recitatu uye kakatora makore asikagumi matatu. Asi, Djesu na Tiyago akabhuya kuti kutama kunaya ke mvura kakatora makore anokwana “matatu uye no mwedzi mutanhatu.” (Ruka 4:25; Tiyago 5:17) Hino izvona zvinopangidza musiyano here?
Haiwa. Onai basi, mvura yaikwanisa kutama kunaya ke nguwa yakareba mu Israeri, zvokutoguma mwedzi mitanhatu isikanayi. Apana mubvunzo, Eriya wakaenda kuna Akabhi koomuziisa nge zve kutama kunaya ke mvura nepoo nguwa ye kutama kunaya ke mvura yainga yanyanya kureba. Zvezvirokwazvo, kutama kunaya ke mvura kainga katanga muhafu yokutanga ke gore. Hino Eriya paakaziisa nge zve kupera ke kusama kunaya ke mvura “mugore recitatu” mumasure mekuti wainga apasa ciziiso cokutanga, kutama kunaya ke mvura kainga kadarika makore matatu ne hafu. Anhu paakazoungana pa Dunhu re Kameri kuti aone kuti ndiani wainga ari Mwari we zvirokwazvo painga padarika “makore matatu ne mwedzi mitanhatu.”
Hino, cimborangaridzai, ngezve pa nguwa yekuti Eriya wakaenda koovhakacira Akabhi pokutanga. Anhu aitenda kuti Bhaari wainga ari “muhambisi we kavharo we kumakuta,” mwari waikwanisa kunaisa mvura kuti apedze kutama kunaya ke mvura. Nguwa yekutama kunaya ke mvura payainyanya kureba anhu ainetseka eciti: ‘Bhaari urikupi? Ucanaisa rini mvura?’ Ciziiso ca Eriya, cokuti kainga kusikazonayi mvura kana beto dakara iyena azobhuyazve, zvingaita kuti zvakaoresa maningi mwoyo ye anamati a Bhaari.—1 Madzimambo 17:1.
OTUBRO 10-16
UPFUMI UNOBVA MU SOKO RA MWARI | 1 MADZIMAMBO 19-20
“Psvakai Runyaradzo ra Djehovha”
w19.06 paji. 15 ndi. 5
Gondai Djehovha Pamunonga Makaora Mwoyo
Erengai 1 Madzimambo 19:1-4. Eriya wakatanga kuthya paakaziya kuti Mambokadzi Djezabheri aida kumuuraya. Hino wakatizira ku Bheer-shebha. Iyena wakaora mwoyo “zvekutoti wakakumbira kuti afe.” Cinyi cakaita kuti azwe kudaro? Eriya wainga ari munhu asikazi kukwana, “munhu wainga ano mazwiro akaezana no edu.” (Tig. 5:17) Pamweni wainga akurirhwa no matambudziko uye waizwa hinga asisina simba. Pamweni wakarangarira kuti zvese zvaainga aita pakutsigira kunamata kakacena wainga aseenzera pasina. Pamweni wakarangarirawo kuti mu Israeri mainga musikacaizwi zviro zvakanaka, uye ndiyena ega basi waiseenzera Djehovha. (1 Mad. 18:3, 4, 13; 19:10, 14) Zvakaizwa nge muphorofita uu wainga akagondeka zvinotishamisa maningi. Asi Djehovha akazwisisa mazwiro a Eriya.
ia paji. 103 ndi. 13
Iyena Wakanyaradzwa ndi Mwari Wake
Munoona kuti Djehovha akazwa kudini ari kudenga, paakaona muphorofita wake waaida akawata pasi pe muti iwona murenje ecikumbira kuti afe? Ngano inotipasa mhinduro. Mumasure mekuti Eriya abathwa no hope, Djehovha akatuma ngirozi. Yecimubata no mushobo wakapfawa, ngirozi yakamumutsa uye yoti: “Muka urhye.” Eriya wakaita izvona, ngirozi yainga yamugadzirira zvokurhya—pau yekupisa no mvura yekutonhorera. Kodi iyena wakatenda here ngirozi ii? Ngano inoti basi muphorofita wakarhya, omwa uye ohwirira koowata. Asi iyena wainga akaora mwoyo zvekuti wainga asikakwanisi kureketa here? Kunyazi zviri izvona, ngirozi yakamumutsa kecipiri, pamweni kainga kooedza. Yakabvunzazve Eriya kuti “Muka urhye,” uye yakatunhudzira masoko aya anobaya mwoyo ekuti, “ngekuti rhwendo rakakukurira.”—1 Mad. 19:5-7.
ia paji. 106 ndi. 21
Iyena Wakanyaradzwa ndi Mwari Wake
Ngano ii inopangidza kuti Djehovha ainga asiripi mu cimwe ce zviro izvi zvinoshamisa uye zvinopangidza simba re zvakasikwa. Eriya waiziya kuti Djehovha ainga asiripi mwari wekundorangarira, hinga Bhaari, uwo waikudzwa hinga “muhambisi we kavharo we kumakuta,” kana kuti uya wainaisa mvura. Djehovha ndiye Manyuko e simba rese rinothyisa rinooneka mu zviro zvakasikwa, asi ayena mukuru maningi kudarika kunyazi ciro cipi haco caakasika. Kunyazi mumatenga aakwani! (1 Mad. 8:27) Zvese izvi zvakabetsera kudini Eriya? Edzurirai kuti iyena waithya. Iyena ana Mwari hinga Djehovha ku dii rake, Mwari ainga ano simba guru kuti amubetsere, hino Eriya wainga asikadikani kuthya Akabhi kunyazi Djezabheri!—Erengai Pisarema 118:6.
ia paji. 106 ndi. 22
Iyena Wakanyaradzwa ndi Mwari Wake
Mumasure mekuti muriro wapera, pakabva paterama, uye Eriya wakazwa “izwi rainga rakaterama rainga riri pasi pasi.” Izwi irona rakaita kuti Eriya abhuyezve mazwiro ake uye wakabva wabhuya, wopanganidza zvaimunetsa kecipiri. Izvona zvakatunhudzira kumuzorodza. Asi, apana mubvunzo kuti Eriya wakanyasa kuzwa kunyaradzwa no “izwi riya rainga rakaterama, rainga riri pasi pasi”. Djehovha akaita kuti Eriya agare no cokwadi cokuti iyena waikosha. Wakazviita kudini? Mwari akaziisa zvakawanda nge zve cinangwa cake ce mu nguwa ye mberi cainga cinocokuita nokurhwisa kunamathwa ka Bhaari mu Israeri. Zviri pamhene kuti Eriya wainga aseenzera zviripo, ngekuti cinangwa ca Mwari cainga cecihambira mberi pasina unocipingaidza. Kusiya izvona, Djehovha aizorumbwa eciseezesa Eriya hinga muphorofita, ngekuti akamutuma kuti ahwirire koosenza eciita zvaainga abvunzwa.—1 Mad. 19:12-17.
Upfumi Watinogumira mu Bhaibheri
w97 11/1 paji. 31 ndi. 2
Muezaniso we Kudzipira uye we Kugondeka
Aseenzi akawanda a Mwari mazuwa ano, anopangidzawo mwiya wakadaro wekudzipira. Akawanda akasiya “minda” dzawo, zvaiararamisa kuti aende kooparidzira masoko akanaka ku mbuto dziri kure kana kuti koobetsera hinga mhuri ye Bheteri. Amweni akadzipira kwenda ku nyika dzimweni koobetsera kuwaka zviwakwa zve Sangano. Akawanda anotenda mabasa anoonekwa hinga mabasa akaterera. Zviri pamhene kuti, akuna munhu unoseenzera Djehovha unoita hinga uri kuita basa risikakoshi. Djehovha anokoshesa maningi aya anodzipira no mwoyo wese uye anokomborera cido cawo cekudzipira.—Marko 10:29, 30.
OTUBRO 17-23
UPFUMI UNOBVA MU SOKO RA MWARI | 1 MADZIMAMBO 21-22
“Teedzerai Maseenzesere Anoita Djehovha Simba Rake”
it-2 paji. 54
Djehovha we Anyahondo
Djoshuwa paakaona murendo we ngirozi padhuze no Djeriko uye woibvunzisa kuti yainga iri ku dii re Aisraeri kana kuti re azondi, iyona yakati: “Haiwa, asi—ndauya zvino hinga mukuru we anyahondo a Djehovha.” (Djs 5:13-15) Muphorofita Mikaya wakabvunza Madzimambo Akabhi na Djeosafati kuti: “Zvezvirokwazvo ndaona Djehovha akagara pa cigaro cake ce umambo, uye anyahondo ese e kudenga akaimira padhuze naye, ku dii rake ro muoko kwawo uye no ku muoko boshwe,” ecireketa kamare nge zve ana e kumwiya a Djehovha. (1Md 22:19-21) Kuseezesa zina iri rekuti “Djehovha we anyahondo” rakasisira, sezvo ngirozi dzinosimba adzibhuiwi basi pa kusiyaniswa ke makerubhi, maserafi uye ngirozi (Isa 6:2, 3; Ge 3:24; Zva 5:11) asiwo, hinga eciumba zvikwata zvakarongeka, zvekuti Djesu Kristu waikwanisa kureketa nge zve “zvikwata zvikuru zve ngirozi zvinodarika 12” zvakagadzirira. (Mt 26:53) Pa munamato wakaizwa ndi Ezekiya ecikumbira Djehovha rubetso, iyena wakamudainza kuti “Djehovha we anyahondo, Mwari we Israeri, akagara pamberi pe makerubhi,” ecipangidza Areka Yecitenderano no mifanikiso ye makerubhi pa mutsiyo wayo, inoimirira cigaro co umambo ca Djehovha ce kudenga. (Isa 37:16; ezanisai na 1Sa 4:4; 2Sa 6:2.) Muteeri wa Erizeu waithya wakabambiswa no cishamiso caakaona mumatunhu akatenderedza guta, raigara Erizeu, rakadzara no makavharo uye no makaru e hondo e muriro, hinga dii re anyahondo e ngirozi dza Djehovha.—2Md 6:15-17.
“Musoro we Mwanarume Wese ndi Kristu”
Kudzidodosa. Djehovha ndiyena Munhu ano uzii kupinda ese; kunyazi zvakadaro, ayena anopurutanawo maonero e aseenzi ake. (Gen. 18:23, 24, 32) Ayena akatendera kuti anhu ainga ari pasi pe simba rake areketewo maonero awo. (1 Mad. 22:19-22) Djehovha akakwana, asi pa nguwa ino, ayena aaetseri kuti isusu tigare anhu akakwana. Ngo muezaniso, ayena anobetsera anhu asikazi kukwana kuti amuseenzere zvinobudirira. (Pis. 113:6, 7) Zvezvirokwazvo, Bhaibheri rinopanganidza Djehovha hingana “mubetseri.” (Pis. 27:9; Aheb. 13:6) Mambo Dhavhidhi wakatendera kuti aizokwanisa basi kuita basa rakakura raainga apaswa kuti aite nge ndaa ye kudzidodosa ka Djehovha.—2 Sam. 22:36.
it-2 paji. 354
Kunyepa
Djehovha Mwari anotendera “kuseenzesa manyepo” ku aya anoda zve manyepo “kuti agare ecindoatendera” pane kuti azwe masoko akanaka nge zva Djesu Kristu. (2At 2:9-12) Cokwadi ici cinopanganidzwa pa zviya zvakaitika mazana e makore ainga adarika pano zvakaitika kuna Mambo Akabhi we ku Israeri. Maphorofita e kunyepa akagondesa Akabhi kuti waizobudirira mu hondo ye ku Ramoti-jireadhi, nepoo muphorofita wa Djehovha, Mikaya wakaphorofita kuti waizobatana no matambudziko. Maererano no zvaakapangidzwa pa cioneso ca Mikaya, Djehovha akatendera kuti cisikwa ce kumwiya cigare “mwiya unotsotsa” mumuromo me aphorofita a Akabhi. Zvinoda kureya kuti, cisikwa ici ce kumwiya cakaseenzesa simba raco kaari kuti asarekete cokwadi, asi zviro zvaaida kubhuya ndizvonadi zvaida kuzwa Akabhi nawo. Kunyazi hazvo wakabvunzwa paciri no nguwa, Akabhi wakatendera kutsotswa nge manyepo aya uye wakaripa no upenyu.—1Md 22:1-38; 2Mk 18.
Upfumi Watinogumira mu Bhaibheri
Cinyi Cinozwi Kucinyuka ke Zvirokwazvo?
Kunonoka kutsamwa ka Djehovha kakaguma kumapeto. Ayena akatuma muphorofita Eriya kuti abvunze Akabhi na Djezabheri kuphanicwa kaaizoizwa. Mhuri yawo yese yaizoparadzwa. Akabhi wakarhwadziwa maningi no masoko a Eriya! Asi zvinoshamisa kuti mwanarume uu waidzikudza “wakazodzidodosa.”—1 Mad. 21:19-29.
Panguwa iyona, Akabhi wakadzidodosa. Asi zviro zvaakazoita mumasure mazvo zvakapangidza kuti kucinyuka kake kainga kusikabvi mu mwoyo. Iyena aazi kuedza kuparadza kunamathwa ka Bhaari mu umambo wake. Uye iyena aaziwo kumutsidzira kunamathwa ka Djehovha. Akabhi wakapangidzawo kuti wainga asikazi kucinyuka nge mishobo imweni.
Nokuhamba ke nguwa, Akabhi wakarhwisana mu hondo no Asiriya. Iyena wakadaidza Mambo Djeosafati we Djudha kuti abatane naye. Ngekuti wainga Mambo wakanaka, Djeosafati wakabhuya kuti awona aidikana kutanga kubvunzisa muphorofita wa Djehovha. Pakutanga, Akabhi aazi kuzvipfarira. Iyena wakati: “Uciriyozve mwanarume umwe watingaseenzesa kuti tibvunzise Djehovha, asi inini ndinomuzonda ngekuti aambophorofiti zviro zvakanaka nge zvangu, asi zviro zvakashata basi.” Kunyazi zvakadaro, awona akabvunzisa muphorofita Mikaya. Uye hinga zvaietserhwa, masoko e muphorofita kuna Akabhi ainga asikazi kunaka! Akabhi waidikana kucinyuka uye kupsvaka kurekererhwa na Djehovha. Pane kudaro, iyena wakaita kuti muphorofitiwo akandhwe mu karaboso. (1 Mad. 22:7-9, 23, 27) Zvirokwazvo kuti Akabhi wakakwanisa kuita kuti muphorofita wa Djehovha asungwe, asi iyena aazi kukwanisa kuita kuti uphorofiti uu usadzadzike. Akabhi wakazouraiwa pa hondo yakazoteera.—1 Mad. 22:34-38.
OTUBRO 24-30
UPFUMI UNOBVA MU SOKO RA MWARI | 2 MADZIMAMBO 1-2
“Muezaniso Wakanaka Wekufundira”
w15 4/15 paji. 13 ndi. 15
Akuru Anofundisa Kudini Amweni Kuita Mabasa mu Ungano
Ngano inobhuya nge zva Erizeu, uwo wakazogara mutsii wa Eriya, inopangidzawo zvingaizwa no hama mazuwa ano kuti dzipangidze kuti dzinoreremedza akuru agara no basa. Zuwa rimweni, mumasure mekuvhakacira cikwata cimweni ce aphorofita ku Djeriko, Eriya na Erizeu akahamba dakara ku murambo we Djordhani. Ari ikona, “Eriya wakatora djira rake re basa woripeta, wakaponda mvura, uye yoparadzana.” Mumasure mekuti adarika murambo wakaoma, awona akarumbwa “ecihamba ecicedza hawo.” Zviri pamhene kuti Erizeu aazi kumborangarira kuti pa nguwa iyona wainga ooziya zvese. Iyena wakarumbwa ecikoshesa masoko ese aibhuiwa no mufundisi wake dakara paakaparadzana, pedzepo Eriya wakakhwira ku denga ari mu duto. Mumasure mazvo, Erizeu wakahwirira ku murambo we Djordhani, woponda mvura no djira ra Eriya, iyena wakati: “Arikupi Djehovha, Mwari wa Eriya?” Mvura yakaparadzana.—2 Mad. 2:8-14.
w15 4/15 paji. 13 ndi. 16
Akuru Anofundisa Kudini Amweni Kuita Mabasa mu Ungano
Makwanisa kuona here kuti cishamiso cokutanga cakaizwa na Erizeu cainga cakatodzana no cakaita Eriya? Izvona zvinotifundisei? Erizeu aazi kurangarira kuti zvaainga ari iyena mutungamiriri, waikwanisa kuita zviro mumaonero ake. Erizeu paakarumbwa eciteedzera zvaiizwa na Eriya, wakapangidza kuti waireremedza mufundisi wake. Izvona zvakaita kuti aphorofita amweni amugonde. (2 Mad. 2:15) Erizeu paiita basa rake re kuparidzira mu makore 60, Djehovha akamupasa simba rekuita zvishamiso zvakawanda kudarika zviya zvakaizwa na Eriya. Afundi anofundei pa ngano ii?
Upfumi Watinogumira mu Bhaibheri
w05 8/1 paji. 9 ndi. 1
Mafundo Makuru Anobva mu Bhuku ra Madzimambo we Cipiri
2:11—“Matenga” api akakhwira “Eriya ari muduto”? Izvi azvireyi kuti matenga aya ainga ari kure maningi kana kuti mbuto inogara Mwari uye no ana ake ngirozi. (Dheuteronomiyo 4:19; Pisarema 11:4; Mateu 6:9; 18:10) “Matenga” aya akakwirhwa na Eriya ainga ari matenga aya atinokwanisa kuona. (Pisarema 78:26; Mateu 6:26) Zviri pamhene kuti ngoro ye muriro yakapinda nge mumatenga yeciendesa Eriya mu mbuto imweni ye pa nyika pano, kaakarumbwa ecirarama ke nguwa yakareba. Zvezvirokwazvo makore manganani adarika Eriya wakatara tsamba kuna Djoramu, mambo we ku Djudha.—2 Makoronika 21:1, 12-15.
OTUBRO 31–NOVEMBRO 6
UPFUMI UNOBVA MU SOKO RA MWARI | 2 MADZIMAMBO 3-4
“Mutsai Mwana Wenyu”
w17.12 paji. 4 ndi. 7
“Ndinozviziya Kuti Ucamuka”
Rumuko recipiri rinorekethwa mu Bhaibheri ngere munhu wakamutswa nge mutsii wa Eriya, muphorofita Erizeu. Mwanakadzi umweni wakapfuma maningi we ku Shunemi wakatambira zvakanaka Erizeu. Mwanakadzi uu no mwamuna wake ainga acembera asina mwana. Mwari akaseenzesa muprofita Erizeu kuti aakomborere no mwana. Padarika makore manganani, mwanewo wakazofa. Cimborangarirai mushobo wakatsukwara mai akhona! Iyena wakaita rhwendo rinokwana kuita (30 km) dakara ku Dunhu re Kameri, kainga kuna Erizeu. Erizeu wakhona wakatuma museenzi wake Jeazi kuti aende ku Shunemi. Asi Jeazi aazi kukwanisa kumutsa mukomanewo. Mumasure mazvo, Erizeu na mai akhona akaguma ku Shunemi.—2 Mad. 4:8-31.
w17.12 paji. 4 ndi. 8
“Ndinozviziya Kuti Ucamuka”
Erizeu wakapinda mu nyumba mainga muno mwana uye wakaita munamato. Ndipona Djehovha paakaita cishamiso uye mwanewo wakamuka. Apana mubvunzo kuti mai ake akapfara maningi! (Erengai 2 Madzimambo 4:32-37.) Pamweni mai e mwana uu akarangarira nge zve munamato wa Ana paakaendesa Samueri koosenza pa tabhernakuro. Ana wakati: “Djehovha . . . anoendesa ku Guwa, uye anomutsa.” (1 Sam. 2:6) Cishamiso ici cinopangidza pamhene kuti Djehovha anosimba re kumutsa akafa.
Upfumi Watinogumira mu Bhaibheri
it-2 paji. 728 ndi. 3
Aphorofita
“Ana e Aphorofita.” Hinga kupanganidza kunoita Gesenius’ Hebrew Grammar (Oxford, 1952, paji. 418) soko recihebheru rekuti ben (mwana wa) kana kuti benehʹ (ana a) zvingapangidza “kugara nhengo ye cimwe cikwata ce anhu cino zvinangwa zvimwezvo (kana kuti zve dzinza, re anhu api hawo asanangurhwa).” (Ezanisai na Ne 3:8, soko rekuti “nhengo imwe ye agadziri e mafuta ekudzora” zvinoda kureya “ana e agadziri e mafuta e kudzora.”) Ngo kudaro, soko rekuti “ana e aphorofita” pamweni zvinoda kureya cikora ce kufundiswa ke aya akadaidzwa kuti aite basa iri, kana kuti mubatanidzwa we aphorofita. Zvinobhuiwa kuti kainga kuno zvikwata zve aphorofita akadai ku Bheteri, Djeriko uye ku Jirgari (2Md 2:3, 5; 4:38; ezanisai na 1Sa 10:5, 10.) Samueri waitungamirira cikwata co ku Rama (1Sa 19:19, 20), uye zvingatoitawo kuti Erizeu wakaitawo zvimwezvo mu mazuwa ake. (2Md 4:38; 6:1-3; ezanisai na 1Md 18:13.) Ngano inopangidza kuti aiwaka nyumba dzawo uye pakaseenzeswa faramenta yokukumbira, zvingapangidza kuti aitora upenyu usina zvakawanda. Kunyazi zvisikazi kudjairika kupasana pokugara uye zvokurhya, pamweni aipaswa ubaba wakasiyana-siyana kuti aende kooita basa re uphorofita.—1Md 20:35-42; 2Md 4:1, 2, 39; 6:1-7; 9:1, 2.