FUNDO 58
Rumbwai Mecitsigira Djehovha
Cido ce Akristu ngecekutama kusiya kuti ciro cipi haco ciapingaidze kunamata Djehovha. Zviri pamhene kuti ndicona cido cenyuwo. Djehovha anopfara kana mukarumbwa mecimutsigira. (Erengai 1 Makoronika 28:9.) Pano migariro ye zviro ingamukanda pa muedzo wekusiya Djehovha. Mungaita kudini kana mukasongana no migariro yakadaro?
1. Anhu amweni anokwanisa kumuedza kudini kuti musiye Djehovha?
Anhu amweni anokwanisa kutiedza kuti tisiye kuseenzera Djehovha. Angaita anhu api? Kune anhu amweni akasiya cokwadi anobhuya masoko e kunyepa nge zve sangano ra Mwari ecida kuti aparadze kutenda kedu. Anhu awona akapandukira sangano ra Djehovha. Kupinda izvona, atungamiriri amweni e magereja anobararisa masoko e kunyepa nge zvedu kuitira kuti amweni asiyewo cokwadi. Kana tikaitirana nawo hasha, toerenga mabhuku awo kana kuti kubhuya nawo mu saite yawo ye pa internet, kana kuona mavhidhiyo awo, zvinokwanisa kutipingaidza. Djesu akabhuya nge zve anhu aya anoedza kubvisa anhu pakuseenzera Djehovha eciti: “Arekerei. Awona mapofu anotungamirira amweni. Kana bofu rikasesedza bofu doni, ese anombwerera mu rindi.”—Mateu 15:14.
2. Zvatinosanangura zvingakwanisa kupangidza kudini kuti tinotsigira Djehovha?
Kuda katinoita Djehovha kucaita kuti tisiye zvacose kunamata kekunyepa. Atiiti basa kana kupinda mune sangano rimweni rinotsigira kunamata kekunyepa. Djehovha anobhuya kuti: “Budai [mu Bhabhironi Guru], anhu angu.”—Zvakapangidzwa 18:2, 4.
FUNDAI ZVAKAWANDA
Fundai kuti mungaita kudini kuti musasiye kuti munhu upi hake amupause pakurumbwa mecitsigira Djehovha. Onaiwo kuti mungatsigira kudini Djehovha ngekubuda mu Bhabhironi Guru.
3. Ngwarirai afundisi e kunyepa
Tinodikana kuitei kana tikazwa munhu umweni ecishora sangano ra Djehovha? Erengai Zvierengo 14:15, pedzepo cedzai nge zve mubvunzo unoteera:
Ngei tecidikana kungwarira kuti tisandotendere zviro zvese zvatinozwa?
Erengai 2 Juau 9-11, pedzepo cedzai nge zve mibvunzo dzinoteera:
Tinodikana kuitei no anhu akapandukira sangano?
Kunyazi kana tikatama kureketa nawo pacawo, tingasongana kudini no zvaanofundisa?
Mumaonero enyu Djehovha anozwa kudini kana tikapurutana munhu uri kureketa zvakashata nge zvake uye nge zve sangano rake?
4. Rumbwai muri ku dii ra Djehovha kana pano hama inonga yaita citema
Tinodikana kuitei kana tikaziya kuti pano munhu we mu ungano unonga aita citema? Onai zvairekethwa na Mwari paakapasa Mutemo ku Aisraeri. Erengai Revhitiko 5:1.
Maererano no vhersikuro ii, kana tikaziya kuti pano munhu waita citema, tinodikana kubvunza akuru zvatinonga teciziya. Asi tisati tazviita, zvakanaka maningi kuti tibvunze munhu wakhona wakaita cishaishi kuti aende ega kopupura kuno akuru citema cake. Kana akaramba koabvunza, isusu ticapangidza kuti tinotsigira Djehovha ngekuenda koabvunza. Kuita izvona zvinopangidza kudini kuti tinoda . . .
Djehovha Mwari?
mushaishiwo?
uye amweni ari mu ungano?
Kana munhu watinonamata naye ecibatana no dambudziko, mubetserei!
5. Tambirai kure ne Bhabhironi Guru
Erengai Ruka 4:8 uye Zvakapangidzwa 18:4, 5, pedzepo cedzai nge zve mibvunzo dzinoteera:
Zina rangu riciri mumabhuku e nhengo dze rimwe gereja here?
Ndinobatanidzwa mu sangano rinocokuita nokunamata kekunyepa here?
Basa rangu rinotsigira kunamata kekunyepa here?
Ndicino zviro zvandinoita mu upenyu zvandinodikana kugadzirisa kuti ndisiyane nokunamata ke manyepo here?
Kana umwe ye mibvunzo idzi ndadaira kuti honde, i cinjo dzipi dzandinodikana kuita?
Zvese zvamucasanangura, zvinodikana kumusiya muno hana isikamupasi ndaa uye zvinodikana kupangidza kuti munotsigira Djehovha.
Mungaita kudini kudai mukazwi mubetsere anoshuphika nge kupasa mupiro ku sangano re magereja?
ANHU AMWENI ANOTI: “Ndinoda kuzwa kuti anhu akapandukira sangano anoti kudini nge zve Apupuri a Djehovha kuti ndikwanise kuabvunza kuti ari kunyepa.”
Kungazwi kungwara here ikona? Ngei mecidaro?
MUCIGWAGWA
Kuti tirumbwe takagondeka kuna Djehovha, atidikani kushamwaridzana no anhu anotipausa.
Mibvunzo yekuhwirinzira
Ngei tisikadikani kuzwa marangariro e anhu akasiya sangano?
Kana tikaziya kuti hama kana kuti hanzvadzi yaita cishaishi cakakura, tinodikana kuitei?
Tinodikana kuona kudini ngwadzo yekuti tidude mu magereja e kunyepa?
ZIYAI ZVAKAWANDA
Fundai zvamungaita anhu paanobararisa manyepo nge zve Apupuri a Djehovha.
“Mune Cokwadi Ngezve Nyaya Yakhona Here?” (Murindiri wa Agosto wa 2018)
Mungaziya kudini masangano kana kuti mabasa anotsigira Bhabhironi Guru?
Anhu amweni anotiphikisa akaita kudini kuti apingaidze kutenda kedu?
Erengai nyaya inoti “Ndaipsvaka Mwari Kubvira Ndiciri Mudoko,” kuti muzwe nge zve mupristi umweni weciShinto wakasiyana no kunamata kekunyepa.
“Bhaibheri Rinocinja Upenyu” (Murindiri wa 1 ya Julho wa 2011)