FUNDO 57
Munodikana Kuitei kana Mukaita Citema Cakakura?
Kunyazi hazvo mecida maningi Djehovha uye meciedza kuita zvese zvamunokwanisa kuti musamurhwadzise, pano pamucashaisha. Asi zvishaishi zvimweni zvakakura kupinda zvimweni. (1 Akorinti 6:9, 10) Kana mukaita citema cakakura, edzurirai kuti Djehovha aciri kumuda uye akagadzirira kumurekerera uye kumubetsera.
1. Tinodikana kuitei kuti tirekererhwe na Djehovha?
Anhu anoda Djehovha anotsukwara maningi paanoziya kuti aita citema cakakura. Asi anonyaradzwa no zvakarekethwa na Djehovha ku anhu ake eciti: “Kunyazi hazvo zvitema zvenyu zvakatsvuka kuti piriwiri, zvicaceneswa hinga cando.” (Isaya 1:18) Kana tikanyasa kupangidza kuti tiri kurhwadziwa ne zvatakaita, Djehovha acatirekerera. Tingapangidza kudini kuti tiri kurhwadziwa nezvatinonga taita? Tinopangidza kuti tacinyuka, tobva tasiya kuita zviro zvakashata uye tokumbira Djehovha kuti atirekerere. Tinoita zvese zvatinokwanisa kuti tisarangarire kuita zviro zvinozoita kuti tipedzesera taakuita citema, uye tinoedza nepatinokwanisa napo kurarama teciteedzera mitemo ya Djehovha yakanaka.—Erengai Isaya 55:6, 7.
2. Djehovha anoseenzesa kudini akuru kuti atibetsere patinonga taita citema?
Djehovha anotibvunza kuti kana munhu akaita citema cakakura ‘ngaadaidze akuru e ungano.’ (Erengai Tiyago 5:14, 15.) Anarume aya akagadzwa anoda Djehovha ne mabira ake. Awona anokwanisa kutibetsera kugadzirisa ushamwari wedu na Djehovha.—Agaratiya 6:1.
Akuru anotibetsera kudini kana tikaita citema cakakura? Akuru airi kana atatu acatibetsera no mazano ari mu Bhaibheri. Awona acatipasawo mazano anobetsera uye acatibambisa kuitira kuti tisaitezve citema. Kuti acengetedze ungano pa maitiro akashata, akuru anobvisa mu ungano munhu upi hake anoita citema cakakura uye asikacunyuki.
FUNDAI ZVAKAWANDA
Onai kuti Djehovha angatibetsera kudini kana tikaita citema cakakura.
3. Kupupura kunotibetsera kugadzirisa ushamwari wedu na Djehovha
Pese patinoita citema tinonga tecishaishira Djehovha, ndiyo ndaa tinodikana kupupura kaari. Erengai Pisarema 32:1-5, pedzepo cedzai nge zve mubvunzo unoteera:
Zvakanakirei kuti tipupure zvitema zvedu kuna Djehovha pa mbuto pekuedza kuzvifisa?
Kana tikapupura zvitema zvedu kuna Djehovha, tinodikana kuzobvunza akuru kuti atibetsere kuti tirerukirhwe. Ridzai VHIDHIYO, pedzepo cedzai nge zve mubvunzo unoteera.
Mu vhidiyo ii akuru akabetsera kudini Canon kuti ahwirire kuna Djehovha?
Tinodikana kubvunza akuru cokwadi cese ngekuti aripo kuti atibetsere. Erengai Tiyago 5:16, pedzepo cedzai nge zve mubvunzo unoteera:
Zvakanakirei kuti tibvunze akuru cokwadi cese paanonga ecida kutibetsera?
Pupurai citema cenyu, bvunzai akuru cokwadi cese, uye tenderai kubetserhwa na Djehovha ne rudo
4. Djehovha anopangidza usisi ku ashaishi
Kana munhu akaita citema cakakura oramba kuteedzera mitemo ya Djehovha, anobviswa mu ungano uye atishamwaridzani naye. Erengai 1 Akorinti 5:6, 11, pedzepo cedzai nge zve mubvunzo unoteera:
Kuita hingana isti inofufumisa trigu, kushamwaridzana no munhu waita citema uye asikacinyuki kungabata-bata kudini ungano?
Ngo kuteedzera usisi wa Djehovha ku ashaishi ano citema, akuru anobetsera aya akabviswa mu ungano. Akawanda akambodzingwa akazohwirira mu ungano nokuti mupango wakaita kuti aone zvaakashaisha uye ahwirire mu ungano. Pisarema 141:5.
Mushobo unobata Djehovha ashaishi unopangidza kudini kuti iyena ari pakati no pakati, ano usisi uye ano rudo?
5. Djehovha anotirekerera kana tikacinyuka
Djesu akaseenzesa muezaniso unotibetsera kuzwisisa kuti Djehovha anozwa kudini kana tikapangidza kuti tiri kurhwadziwa nezvatakaita. Erengai Ruka 15:1-7, pedzepo cedzai nge zve mubvunzo unoteera:
Izvi zvinomufundisei nge zva Djehovha?
Erengai Ezekiyeri 33:11, pedzepo cedzai nge zve mubvunzo unoteera:
Kucinyuka pa citema kunoreyei?
Djehovha anoda mabira ake hinga zvinoizwa no muushi
ANHU AMWENI ANOTI: “Ndiri kuthya kuti kana ndikabvunza akuru ngezve citema cangu, awona acandibvisa mu ungano.”
Mungatii ku munhu unorangarira kudaro?
MUCIGWAGWA
Kana tikaita citema cakakura, Djehovha anotirekerera, asi kuti zvidaro tinodikana kucinyuka no mwoyo wedu wese uye kushinga kutama kuita zviro zvakashata.
Mibvunzo yekuhwirinzira
Zvakanakirei kuti tipupure zvitema zvedu kuna Djehovha?
Tinodikana kuitei kuti zvitema zvedu zvirekererhwe?
Ngei tecidikana kukumbira akuru kuti atibetsere kana tikaita citema cakakura?
ZIYAI ZVAKAWANDA
Onai mwanarume umweni wakazoguma pakuona kuti Djehovha ano usisi hinga zvinopanganidzwa pana Isaya 1:18.
Urongwa wekudzingwa ke mushaishi unobetsera kudini munhu unonga adzingwa uye ungano?
“Akuru e Ungano Anopangidza Kudini Rudo uye Usisi ku Ashaishi?” (Murindiri wa Agosto, 2024)
Fundai kuti mungapanganidzira kudini munhu usiripi Mupupuri nge zve urongwa wekudzingwa ke mushaishi.
Mu nyaya yakazwi “Ndaida Kuhwirira Kuna Djehovha,” erengai kuti ngei mwanarume umweni wainga akambosiya cokwadi akazoona hingana kuti Djehovha aimukweera kaari kuti ahwirire.
“Bhaibheri Rinocinja Upenyu” (Murindiri wa 1 ya Abriri wa 2012)