Kurekerera
Djehovha anopangidza kudini kuti zvezvirokwazvo anoda kurekerera?
Pis 86:5; Dha 9:9; Mik 7:18
Onaiwo 2Pe 3:9
Nyaya dze Bhaibheri dzinokosha:
Pis 78:40, 41; 106:36-46—Kakawanda kakhona Aisraeri aishaishira Djehovha, asi iyena aiarekerera pese paaishaisha
Ruk 15:11-32—Djesu akaezanisa kurekerera ka Djehovha paakareketa ngezva baba anobata mwana wawo no usisi, paanocinyuka pa zviro zvakashata zvaanonga aita
Djehovha akaitei kuti tirekererhwe zvitema?
Nyaya dze Bhaibheri dzinokosha:
Ahe 9:22-28—Muphostori Pauro wakapanganidza kuti Djehovha anokwanisa kurekerera zvitema zvedu ngo ndaa yo cibairo ca Djesu Kristu
Zva 7:9, 10, 14, 15—Muphostori Juau wakaona “anhu akawanda maningi” ainga akacena pamberi pa Mwari nge ndaa ye ngazi ya Kristu
Kana tecida kurekererhwa na Djehovha, tinodikana kuitei kana anhu amweni akatishaishira?
Mt 6:14, 15; Mk 11:25; Ruk 17:3, 4; Tg 2:13
Nyaya dze Bhaibheri dzinokosha:
Djob 42:7-10—Asati aporesa uye akomborera Djobo, Djehovha akamubvunza kuti aite munamato kune shamwari dzake nhatu dzekunyepedzera
Mt 18:21-35—Ngo muezaniso uu, Djesu akapangidza kukosha kekurekerera amweni kana tecida kuti tirekererhwe
Ngei zvakanaka kupupura zvishaishi zvedu uye tocinyuka zvinobva pa mwoyo?
Nyaya dze Bhaibheri dzinokosha:
Pis 32:1-5; 51:1, 2, 16, 17—Mambo Dhavhidhi wakatama ce kuita uye wakatsukwara maningi nge ndaa ye zvitema zvakakura, asi iyena wakacinyuka zvinobva pa mwoyo
Tg 5:14-16—Tiyago wakapanganidza kuti, kana tikaita zvitema zvakakura, tinodikana kupsvaka akuru e ungano
Icinjo dzipi dzatinodikana kuita kana tecida kuti Djehovha atirekerere?
Zvie 28:13; Isa 55:7; Aef 4:28
Nyaya dze Bhaibheri dzinokosha:
1Md 21:27-29; 2Mk 18:18-22, 33, 34; 19:1, 2—Mambo Akabhi paakaziya kuti waizophanicwa, iyena wakadzidodosa uye Djehovha akasanangura kumboima kumuphanica. No kuhamba ke nguwa Akabhi aazi kupangidza kucinyuka kezvirokwazvo, Djehovha aazi kumurekerera uye akamuphanica no rufu
2Mk 33:1-16—Kunyazi Manase wainga ari mambo aiita zvakashata, Djehovha akamurekerera paakacinyuka. Manase wakapangidza kuti wainga acinja paakaedza kupedza kunamata kekunyepa uye ohwirinza kunamata kakacena
Munhu paanocinyuka, kodi Djehovha anorumbwa eciedzuerira zvitema zvake here?
Pis 103:10-14; Isa 1:18; 38:17; Dje 31:34; Mik 7:19
Nyaya dze Bhaibheri dzinokosha:
2Sa 12:13; 24:1; 1Md 9:4, 5—Kunyazi hazvo Dhavhidhi wainga aita citema cakakura, iyena wakacinyuka uye Djehovha akamurekerera, no kuhamba ke nguwa Djehovha akati iyena wainga ari mwanarume akagondeka kaari
Nge mushobo upi Djesu akapangidza kuti kuita hingana Baba ake, iyena ainga akagadzirira kurekerera?
Pis 86:5; Ruk 23:33, 34
Nyaya dze Bhaibheri dzinokosha:
Mt 26:36, 40, 41—Ateeri e padhuze a Djesu, akawata pa nguwa yekuti iyena aida maningi rubetso rawo; kunyazi zvakadaro, Djesu akapangidza unaki uye akaziya kuti awona ainga aremba
Mt 26:69-75; Ruk 24:33, 34; Zvt 2:37-41—Pedru wakaramba Djesu katatu kese, asi Djesu akarekerera muphostori uu paakacinyuka. Mumasure mekumutswa, Djesu akadzipangidza kuna Pedru uye no kuhamba ke nguwa akamupasa basa rinokosha mu ungano
Tinoziya kudini kuti kurekerera ka Djehovha pane pakunogumira?
Mt 12:31; Ahe 10:26, 27; 1Ju 5:16, 17
Nyaya dze Bhaibheri dzinokosha:
Mt 23:29-33—Djesu akaziisa atari no Afarisi kuti hinga cikwata, awona ainga asikazotizi pakutongwa mu Gehena kana kuti pakuparadzwa nokusikaperi
Ju 17:12; Mk 14:21—Djesu akadainza Djudhasi Iskariyoti kuti “mwana we kutsakatiswa” uye wakati zvainga zviri nani kudai mutengesi iyena asikazi kubarhwa