Kudzidodosa
Djehovha anoona kudini aya anodzidodosa uye anodzikudza?
Pis 138:6; Zvie 15:25; 16:18, 19; 22:4; 1Pe 5:5
Onaiwo Zvie 29:23; Isa 2:11, 12
Nyaya dze Bhaibheri dzinokosha:
2Mk 26:3-5, 16-21—Mambo Uziya wakadzikudza; iyena aazi kuzwira Mutemo wa Djehovha uye wakatsamwa maningi apristi paakamusumurura; ndiyo ndaa, Djehovha akamuitisa kuti agare no mapere
Ruk 18:9-14—Djesu akapasa muezaniso wekuti Djehovha anozwa kudini paya paanopurutana munamato we anhu anodzikudza uye anodzidodosa
Djehovha anoitei kana munhu akacinyuka zvezvirokwazvo uye akadzidodosa?
2Mk 7:13, 14; Pis 51:2-4, 17
Nyaya dze Bhaibheri dzinokosha:
2Mk 12:5-7—Mambo Robhoamu uye macinda e Djudha akadzidodosa pamberi pa Djehovha uye aazi kutsakatiswa
2Mk 32:24-26—Mambo Ezekiya wakambodzikudza, asi paakadzidodosa Djehovha akamurekerera
Kudzidodosa kungabetsera kudini kuti tibambise ushamwari wedu no amweni?
Aef 4:1, 2; Afi 2:3; Ako 3:12, 13
Nyaya dze Bhaibheri dzinokosha:
Ge 33:3, 4—Eciziya kuti hama yake Izau yainga icakanyangadzwa, Djakobo akadzidodosa maningi uye paakasongana naye wakaita kuti zviite nyore kuita runyararo
Ato 8:1-3—Mutongi Gidhiyoni wakadzidodosa paakabhuya kuti anarume e ku Efraimu ainga ari akuru, ngo kudaro iyena wakaita kuti aterame uye agare mu runyararo
Djesu akafundisa kudini kukosha ke kudzidodosa?
Mt 18:1-5; 23:11, 12; Mk 10:41-45
Nyaya dze Bhaibheri dzinokosha:
Isa 53:7; Afi 2:7, 8—Hingana zvainga zvabhuiwa, Djesu akadzidodosa nge kuuya pa nyika kuti atambudzike uye afe zvinorhwadza
Ruk 14:7-11—Djesu akabhuya ngezve muezaniso we kusanangura mbuto dzakakwirira pa mabiko kuti apangidze kukosha ke kudzidodosa
Ju 13:3-17—Djesu akapasa muezaniso wakanaka kuno ateeri ake paakaita basa rinoizwa no muranda uye akasuka murenje dze aphostori ake