BHIBHIRIOTEKA RE MU INTERNETI re Torre dhe Vhijiya
Torre dhe Vhijiya
BHIBHIRIOTEKA RE MU INTERNETI
Ciutee
  • BHAIBHERI
  • MABHUKU
  • MISANGANO
  • wp20 N.° 2 mapaji. 4-5
  • Ngei Tecida Umambo wa Mwari?

Apana vhihiyo iripo pa mbuto ii

Tinourombo, ciripo cashaishika no vhidhiyo.

  • Ngei Tecida Umambo wa Mwari?
  • Murindiri We Kuziisa Umambo wa Djehovha (Rujinji)—2020
  • Misoro midoko
  • Masoko Akaezana
  • ANHU ANOTANGA KUTONGA
  • NGUWA YEKUCINJA!
  • Ngei Zviro Zvakashata Zveciitika uye Ngei Tecishuphika?
    Pfadzwai ne Upenyu Nokusikaperi!—Kursu ye Bhaibheri
  • Ngei Mwari ecitendera ushaishi no kushuphika?
    Masoko Anopfadza Anobuda Kuna Mwari!
  • Ngei Mwari Akasika Nyika no Anhu?
    Kodi Bhaibheri Rinotifundisei?
Murindiri We Kuziisa Umambo wa Djehovha (Rujinji)—2020
wp20 N.° 2 mapaji. 4-5
Adhamu na Evha eciringisa mvura iri kuerera mu munda we Edheni.

Mwari paaitonga, zvisikwa zvake zvese zvainga zviri mu runyararo uye zvakabatana.

Ngei Tecida Umambo wa Mwari?

Kubvira paakandosika anhu pa nyika pano, Musiki wedu, ano zina rekuti Djehovha, ndiye basi ainga ari Mutongi uye aitonga no rudo. Djehovha akagadzira mbuto yakarungama maningi kuti anhu agare imona—munda we Edheni. Mwari akapasawo Adhamu na Evha zvekurhya zvakawanda, ne basa rakanaka. (Genesi 1:28, 29; 2:8, 15) Anhu ese aizogara mu runyararo kudai awona akarumbwa ari pasi pe kutonga ka Mwari kuno rudo.

Adhamu akabata mucero wakarambidzwa waapaswa ndi Evha.

Adhamu na Evha akapandukira Umambo wa Mwari

Bhaibheri rinobhuya kuti pane ngirozi yakapanduka uye nokuhamba ke nguwa yakazodainzwa Sathani Dhiyabhurosi. Sathani akareketa kuti anhu aizorarama zvakanaka kana akasama kutongwa na Mwari. Zvinotsukwarisa kuti madzibaba edu ekutanga Adhamu na Evha akatendera manyepo awona uye akabatana na Sathani pa kupandukira utongi wa Mwari.—Genesi 3:1-6; Zvakapangidzwa 12:9.

Adhamu na Evha akaramba kutongwa na Mwari ndiyo ndaa, awona aazi kurumbwa ari shamwari dzake. Awona akaruza mukana we kugara anhu akakwana uye we kurarama nokusikaperi mu Paradhiso ecitongwa na Mwari. (Genesi 3:17-19) Zvaakasanangura izvi, zvakazobatanidzawo ana aakazobara. Bhaibheri rinobhuya kuti Adhamu akaita citema, “citema cakapinda mu nyika uye rufu nge ndaa ye citema.” (Aroma 5:12) Citema cakaunzisa marhwadzo amweni: “Munhu anotonga munhu umweni ecimubata zvakashata.” (Muparidzi 8:9) Nge masoko amweni, munhu paanotonga umweni wake, panomuka matambudziko akawanda.

ANHU ANOTANGA KUTONGA

Nimrodhi akaima, ano ciimo ce kudada. Sure kake, anhu eciwaka nyumba yakakura.

Nimrodhi akapandukira utongi wa Djehovha

Mutongi okutanga we anhu unorekethwa mu Bhaibheri ndi Nimrodhi. Iyena akapandukira utongi wa Djehovha. Kubvira mu mazuwa a Nimrodhi, anhu ano masimba aitonga amweni awo ne utsinye. Mu makore 3000 adarika, Mambo Soromoni akati: “Ndakaona kurhwadziwa ke anhu aineseka, asi painga pasina munhu anoanyaradza. Uye adzwinyiriri akhona ainga ano simba.”—Muparidzi 4:1.

Dakara mazuwa ano zviro zvicakandodaro. Mu gore ra 2009, bhuku re Sangano re Mubatanidzwa we Nyika dze Pasi Rese (Organização das Nações Unidas) rinoti “zviri pamhene kuti utongi yakashata ndiyona inonyanya kubara matambudziko atiri kuona nyamasi uno.”

NGUWA YEKUCINJA!

Nyika iri kuda utongi wakanaka. Izvi ndizvo zviri kupikirhwa no Musiki wedu!

Mifanikiso: Migumisiro ye utongi ye anhu. 1. Mwanakadzi umweni we ku Aziya wakagara mugwanza rakasvipa akabatira mwana wake urikucema. 2. Mwanarume umweni acembera ari kurhwara uye akaradzikwa mu cipitari. 3. Masurudado eciridza pfuti dzawo parikurhwiwa hondo. 4. Anhu eciita gerevhe. 5. Mwanakadzi ne mwana wake akaima pa musuwo, eciona vhidro re musuwo we nyumba yawo raphanywa. 6. Guta rakasvipiswa nge cutsi ce mafabirika uye rakadzara nge tambo dze maruju.

Kunyazi utongi yakanaka ye anhu iri kukonerhwa kugadzirisa zvineso zvakakura zve anhu

Mwari akagadza Umambo, kana kuti, utongi kuti abvise utongi ye anhu, uye “ucagara wega nokusikaperi.” (Dhanyeri 2:44) Uu ndiwo Umambo uri kukumbirhwa nge anhu pamunamato unozwi Umambo wenyu ngauuye. (Mateu 6:9, 10) Asi Mwari aatongi ega Umambo iwona. Mwari akagadza munhu akararama pasi pano kuti aite Mambo. Ndiani akasanangurhwa na Mwari?

    Mabhuku mu Ciutee (2013-2025)
    Kubuda
    Kupinda
    • Ciutee
    • Kupasana
    • Zvamunoda
    • Copyright © 2025 Watch Tower Bible and Tract Society of Pennsylvania
    • Mitemo ye Kuseenzesa
    • Mutemo we Macengeterwe e Masoko e Muridzi
    • Privacy Settings
    • JW.ORG
    • Kupinda
    Kupasana