Esperiensiya

Pangidzai Usisi ku Anhu Ese

Zuwa rimweni, hanzvadzi ye ku Nova Zelândia yakaona vhidhiyo inoti: “Chengetanai.” Vhidhiyo iyona inopanganidza kuti Djehovha aandozwiri usisi basi anhu, asi iyena anoitawo ciito kuti aabetsere. (Isa. 63:7-9) Pedzepo hanzvadzi ii yakasanangura kuseenzesa zvayainga yafunda uye yopsvaka mukana wekupangidza usisi ku anhu. Pa zuwa rimwerimwero, hanzvadzi iyona yakaenda mu roja uye yakagumira mwanakadzi usina pokugara. Hanzvadzi yakadzipira kootenga cokurhya kuti ipase mwanakadzi uya, uye iyena wakatendera. Hanzvadzi paakahwirira no cokuhrya akakhorovhera mukana wekuparidza eciseenzesa tratadho rakazwi: Kushuphika Kucazopera Here?

Mwanakadzi uya wakatanga kucema. Iyena wakareketa kuti wakarerhwa hingana Mupupuri wa Djehovha, asi wakasiya cokwadi ke makore akawanda. Asi pa nguwa doko yadarika wainga ecinamata kuna Djehovha ecikumbira rubetso rokuti ahwirire kuna Djehovha. Hanzvadzi yakapasa mwanakadzi uya Bhaibheri uye akapangana kutanga fundo ye Bhaibheri.a

Kuita hinga Djehovha, isusuwo tingakwanisa kupangidza usisi ku anhu ese, kutobatanidzawo abereki edu no hama dze mu ungano. Kusiya izvona, tingapsvaka mikana yekupangidza usisi ngo kureketa no anhu ese ngezva Djehovha.