Gadzirirai Mwoyo Wenyu

Patinofunda Bhaibheri isusu tinoda kuti marangariro a Djehovha abaye mukati me mwoyo wedu. Esdra wakasiya muezaniso wakanaka pa zviya zvatinodikana kuita patinonga tecida ‘kugadzirira mwoyo kuti tifunde ngezve Mutemo wa Djehovha.’ (Esdra 7:10) Tingagadzirira kudini mwoyo wedu?

Kuita munamato. Musati matanga kufunda, reketai na Djehovha. Kumbirai Djehovha kuti amubetserei kuzwisisa uye kuti museenzese zviya zvamuri kufunda.—Pis. 119:8, 34.

Dzidodosei. Mwari aapangidzi zvokwadi zve Bhaibheri ku anhu anodzikudza uye anorangarira kuti aadi rubetso. (Ruka 10:21) Atidi kufunda uye kupsvakisisa kuti tidzionese ku anhu amweni. Kana imwimwi mukafundira ciro uye moona kuti pano camunodikana kucinja mu upenyu wenyu, dzidodosei uye itai cinjo dzinodikanwa.

Purutanai imwe ye ngoma dzedu. Ngoma ino simba re kubata-bata mazwiro edu ari nge cemukati uye kutigadzirira kuti tinamate Djehovha. Kupurutana ngoma musati mafunda, kungamubetserai kuti mukande ndangariro dzenyu pana Djehovha uye kuti mufungure mwoyo wenyu pazviya zvamucada kufunda.