Djesu “Akafundira Kuzwira”

Nguwa dzese Djesu aizwira Djehovha. (Juau 8:29) Hino, ngei Bhaibheri rinobhuya kuti: “Akafundira kuzwira nge matambudziko aakabatana nawo”?—Aheb. 5:8.

Paainga ari pa nyika pano, Djesu akabatana no migariro yekuti aazi kumbobatana nayo ari kudenga. Ngo muezaniso, abereki ake ainga akagondeka kuna Djehovha, asi ainga asikazi kukwana. (Ruka 2:51) Iyena akatambudzwa no atungamiriri e magereja anoita zviro zvakashata uye atongi anoita zviro zvisina unatsi. (Mat. 26:59; Mark 15:15) Uye iyena “akadzidodosa uye akazwira dakara pa kufa,” honde, kufa nge mushobo unorhwadza maningi.—Afi. 2:8.

Zvese izvi zvakabetsera Djesu kuti azwire nge mushobo mupsva kaari. Hino iyena angagara Mambo uye Mupristi Mukuru akakwana anokwanisa kuzwisisa mazwiro edu. (Aheb. 4:15; 5:9) Mumasure me kufundira kuzwira nge ndaa ye matambudziko aakabatana nawo, Djesu akatunhudzira kugara munhu anokosha kuna Djehovha. Zvimwezvo zvingaitika katiri. Kana tikarumbwa tecizwira Djehovha, kunyazi no migariro ipi hayo inoshupha, tingakwanisa kugara anhu anokosha kuna Djehovha pa basa ripi haro raanotipasa.—Tig. 1:4.