Salamo

E HAAMAITAI TATOU I TE ATUA I TO ˈNA AROHA.

149 E haamaitai ia Iehova. E himene i te himene apî, ia Iehova; e te arue ia ˈna i te amuiraa o te feia moˈa ra. 2 Ia oaoa Iseraela i tei hamani ia ˈna ra; ia oaoa te tamarii o Ziona i to ratou arii. 3 Ia haamaitai ratou i to ˈna iˈoa ma te mehula; ia himene ratou ia ˈna ma te tophe e te kinura. 4 Te au ra Iehova i to ˈna taata; e faanehenehe oia i tei haehaa ra i te ora. 5 Ia oaoa te feia moˈa ma te hanahana; ia himene ratou ma te pii hua i nia i to ratou mau roi; 6 ei to ratou vaha te haamaitai rahi i te Atua; ei ˈoˈe mata piti i to ratou rima; 7 ei tahoo atu i te mau etene ra, e ei aˈo atu i te mau taata ra; 8 ei ruuruu i to ratou mau arii i te fifi, e to ratou feia mana i te tapea auri; 9 ei faautua ˈtu ia ratou i tei papaihia ra: o te tura teie e vai nei no te feia moˈa atoa no ˈna ra. Halelu Ia.