6 E pee maite outou i te reira,+ no te mea mea na reira outou e faaite ai e taata feruriraa paari+ outou e te maramarama+ i mua i te mau nunaa o te faaroo no nia i teie mau faaueraa atoa, a parau atu ai ratou: ‘E feia feruriraa paari e te maramarama+ mau â teie nunaa rahi.’

7 “Oia mau, ia itoito e ia puai oe, e a haapao maitai i te Ture taatoa ta Mose ta ˈu tavini i faaue ia oe. Eiaha e fariu ê i te reira i te pae atau aore ra i te pae aui,+ ia ohipa noa oe ma te paari i te mau vahi atoa ta oe e haere.+ 8 Eiaha teie buka o te Ture ia atea ê i to oe vaha.+ E taio maitai* oe i te reira i te po e te ao, ia haapao maitai oe i te mau parau atoa i papaihia i roto.+ I reira ïa oe e manuïa ˈi i roto i to oe oraraa e e ohipa ˈi oe ma te paari.+

3 E rave oe i ta to Atua ra o Iehova e titau ia oe, e rave oe i ta ˈna e faaue ia oe.* E haapao oe i ta ˈna mau faatureraa, ta ˈna mau faaueraa, ta ˈna mau faaotiraa haavaraa e ta ˈna mau haamanaˈoraa mai tei papaihia i roto i te Ture a Mose.+ E manuïa ïa oe* i roto i te mau mea atoa ta oe e rave e i te mau vahi atoa e haere ai oe.

14 Area oe, a tamau i roto i te mau mea i haapiihia ia oe e i tauturuhia ia oe ia tiaturi,+ e ua ite oe na vai i haapii atu ia oe 15 e mai to oe tamariiraa+ to oe iteraa i te mau Papai moˈa+ e noaa ˈi ia oe te paari a faaorahia ˈtu ai oe na roto i te faaroo i te Mesia ra o Iesu.+