12 I te mahana matamua o te Oroa pane hopue ore,+ e peu matauhia hoi ia pûpû i te animara ei tusia no te Pasa,+ na ô maira te mau pǐpǐ a Iesu: “Ihea oe e hinaaro ai ia haere matou e faaineine i te Pasa ia amu oe i te reira?”+ 13 Tono atura oia e piti o ta ˈna mau pǐpǐ e na ô atura: “A haere i te oire, e farerei mai orua i te hoê taata e amo ra i te hoê farii araea î i te pape. A pee ia ˈna,+ 14 e i te vahi e tomo ai oia, a parau atu i te fatu fare: ‘Te na ô mai ra te Orometua: “Teihea te piha no te mau manihini e nehenehe ai au e amu i te Pasa e ta ˈu mau pǐpǐ?”’ 15 E faaite mai oia i te hoê piha rahi i nia, mea naho maitai. A faaineine i te Pasa no tatou i reira.” 16 Haere atura na pǐpǐ, tomo atura i roto i te oire, tupu aˈera te mau mea atoa mai ta Iesu i parau e faaineine atura raua i te Pasa.

7 Tae maira te mahana o te Oroa pane hopue ore e pûpûhia ˈi te animara ei tusia i te Pasa.+ 8 Tono atura Iesu ia Petero e ia Ioane a na ô ai: “A haere e faaineine i te Pasa ia amu tatou i te reira.”+ 9 Parau maira raua: “Ihea oe e hinaaro ai ia faaineine mâua i te Pasa?” 10 Parau atura oia: “Ia tomo orua i roto i te oire, e farerei mai te hoê taata e amo ra i te hoê farii araea î i te pape ia orua. A pee ia ˈna e tae roa ˈtu i roto i te fare ta ˈna e tomo atu.+ 11 E parau orua i te fatu fare: ‘Te na ô mai ra te Orometua: “Teihea te piha no te mau manihini e nehenehe ai au e amu i te Pasa e ta ˈu mau pǐpǐ?”’ 12 E faaite mai tera taata i te hoê piha rahi i nia, mea naho maitai. A faaineine i te Pasa i reira.” 13 Reva ˈtura raua, tupu aˈera te mau mea atoa mai ta Iesu i parau, e faaineine aˈera raua i te Pasa.