14 I to Iesu pouraa ˈtu i tatahi, ite ihora oia i te hoê nahoa rahi, aroha roa ˈtura ia ratou+ e faaora ˈtura i te feia maˈi.+ 15 E ahiahi ihora, haere maira ta ˈna mau pǐpǐ ia ˈna ra e na ô maira: “E vahi moˈemoˈe teie e ua topa ê na te mahana. A tuu na i te nahoa ia haere na te mau oire rii e hoo mai i te maa na ratou.”+ 16 Parau atura râ Iesu: “Aita e faufaa ia haere ratou, na outou e horoa i te maa na ratou.” 17 Na ô maira ratou ia ˈna: “E pae anaˈe faraoa e e piti iˈa ta matou.”

35 A topa ˈi te mahana, haere maira ta ˈna mau pǐpǐ ia ˈna ra e na ô maira: “E vahi moˈemoˈe teie e ua topa ê na te mahana.+ 36 A tuu na ia ratou ia haere na te mataeinaa e te mau oire rii tapiri e hoo mai i te maa na ratou.”+ 37 Pahono atura oia: “Na outou e horoa i te maa na ratou.” Parau maira ratou: “E haere anei matou e hoo mai e 200 denari* faraoa e noaa ˈi ei maa na ratou?”+ 38 Na ô atura oia: “Ehia faraoa ta outou? Haere na a hiˈo!” I te iteraahia mai e ratou, na ô maira ratou: “E pae e e piti atoa iˈa.”+

12 Ahiahi ihora, haere maira na 12 e na ô maira ia Iesu: “A tuu na i te nahoa ia haere na te mataeinaa e na te mau oire rii tapiri e imi i te nohoraa e e hoo mai i te maa, no te mea e vahi moˈemoˈe teie.”+ 13 Na ô atura râ oia: “Na outou e horoa i te maa na ratou.”+ Pahono maira ratou: “E pae anaˈe faraoa e e piti iˈa ta matou, e haere anei ïa matou e hoo mai i te maa na teie mau taata atoa?”