Salamo

 2 To ˈu Atua, te tiaturi nei au ia oe.+

Eiaha vau ia haama.+

 3 Eita roa te feia e tiaturi ia oe e haama,+

Ei nia râ i te feia haavarevare te haama.+

 4 A faaite mai i to mau eˈa, e Iehova.+

A haapii mai i to mau haerea.+

 5 A faahaere ia ˈu na to eˈa parau-tia e a haapii mai ia ˈu,+

O oe hoi to ˈu Atua faaora.

 6 E Iehova, a haamanaˈo i to aroha hamani maitai e to here taiva ore+

O ta oe e faaite noa ra.*+

A haamanaˈo mai ia ˈu ia au i to here taiva ore,+

No to maitai e Iehova.+

 9 E tauturu oia i te feia mǎrû ia rave i te mea tia,*+

E e haapii oia i te feia mǎrû i to ˈna eˈa.+

10 E here taiva ore e te haapao maitai anaˈe to Iehova mau haerea

No te feia e haapao ra i ta ˈna faufaa+ e ta ˈna mau haamanaˈoraa.+

11 No to iˈoa, e Iehova,+

Noa ˈtu te rahi o ta ˈu hape, a faaore mai i te reira.

13 E ite oia i te mea maitai,+

E e fatu to ˈna huaai i te fenua nei.+

14 Te auhoaraa piri e o Iehova, no te feia ïa e mǎtaˈu ra ia ˈna,+

E te faaite ra oia i ta ˈna faufaa ia ratou.+

15 Tei nia noa to ˈu mata ia Iehova,+

E iriti hoi oia i to ˈu avae mai roto mai i te upeˈa.+

16 A fariu mai na ia ˈu nei e a faaite mai i to farii maitai,

O vau anaˈe hoi, e aita ta ˈu e tauturu.

17 Te rahi noa ˈtu ra te mau tupuraa ahoaho o to ˈu aau.+

A faaora ia ˈu i to ˈu ahoaho.

18 A hiˈo mai i to ˈu mauiui e to ˈu ati,+

E a faaore i ta ˈu mau hara atoa.+

19 A hiˈo na i te rahiraa o to ˈu mau enemi

E to ratou riri uˈana ia ˈu.

21 Ia paruru te hapa ore e te afaro ia ˈu,+

Tei ia oe ra hoi to ˈu tiaturiraa.+