Salamo

38 E Iehova, eiaha e tamaˈi ia ˈu i roto i to oe riri,

Eiaha e aˈo ia ˈu i roto i to oe riri rahi tahoo.+

 2 Ua puta hohonu hoi au i ta oe mau teˈa,

E mea teiaha to rima i nia ia ˈu.+

 4 Te na nia ra hoi ta ˈu mau hapa i to ˈu upoo.+

Mai te hoê hopoia teimaha eita e haere ia ˈu ia amo.

 5 Mea neoneo to ˈu mau pepe e e pirau to roto

No to ˈu maamaa.

 6 E ahoaho rahi to ˈu e ua paruparu roa ino vau.

Te hahaere nei au ma te oto i te mahana taatoa.

 7 E mea âhu to roto ia ˈu.*

Ua maˈihia to ˈu tino taatoa.+

 8 Ua paruparu roa vau e ua perehu roa.

Te uuru puai ra vau no to ˈu aau ahoaho.

 9 E Iehova, to mua ia oe to ˈu mau hinaaro atoa,

E aita ta ˈu autâ i hunahia ia oe.

10 Te otuˈituˈi ra to ˈu mafatu, aita e puai faahou to ˈu,

E ua faarue te maramarama o to ˈu mata ia ˈu.+

11 Te ape ra to ˈu mau hoa ia ˈu no to ˈu mau pepe,

E aita tei matau ia ˈu e tapiri faahou mai ra.

12 Te feia o te imi ra i te rave i to ˈu ora, te tuu ra ïa i te marei.

Te feia o te hinaaro e hamani ino ia ˈu, te paraparau ra ïa i te haapohe ia ˈu.+

Te omuhumuhu ra ratou i te parau haavare i te mahana taatoa.

13 Mai te hoê râ taata tariˈa turi, eita vau e faaroo.+

Mai te hoê taata vava, eita vau e hamǎmǎ i to ˈu vaha.+

14 Ua riro vau mai te hoê taata o te ore e faaroo,

E aita ta to ˈna vaha e parau no te paruru ia ˈna iho.

15 Ua tiai hoi au ia oe, e Iehova,+

E ua pahono mai oe ia ˈu, to ˈu Atua e Iehova.+

16 Ua parau hoi au: “Eiaha ratou ia oaoa ia ˈu

Aore ra ia faateitei ia ratou iho i nia ia ˈu mai te peu e hee to ˈu avae.”

17 Fatata hoi au i te marua,

E tei roto noa to ˈu mauiui ia ˈu.+

18 Ua faˈi au i ta ˈu hapa.+

Ua peapea vau no ta ˈu hara.+

19 Mea pautuutu* râ to ˈu mau enemi e mea puai,*

Ua rahi roa te feia o te hae ra ia ˈu aita e tumu.

20 Ua tahoo mai ratou ia ˈu i te ino i te maitai.

I patoi na ratou ia ˈu no te maitai ta ˈu i tapi na.

22 A tauturu oioi mai ia ˈu,

E Iehova to ˈu faaoraraa.+