Salamo
Na Davida.
144 Ia aruehia Iehova, to ˈu Mato,+
O te faaineine ra i to ˈu rima no te aroraa,
To ˈu mau manimani rima no te tamaˈi.+
2 O ˈna to ˈu here taiva ore e to ˈu pare,
To ˈu haapuraa papu e to ˈu faaora,
Ta ˈu paruru, ia ˈna ra vau e imi ai i te parururaa,+
O ˈna tei haavî i te mau nunaa i raro aˈe ia ˈu.+
5 E Iehova, a faahaehaa mai i to mau raˈi e a pou mai.+
A tapea i te mau mouˈa e ia au auahi te reira ia oe.+
6 A faaanapa mai i te uira e a haapurara i te enemi.+
A teˈa i ta oe mau teˈa e ia rapu ratou ia oe.+
7 A toro mai i to rima mai nia mai.
A faaora ia ˈu e ia ora vau i te pape mataare ra,
I te rima ra o te feia ěê,+
8 E haavare ta to ratou vaha e parau,
E e afai ratou i te rima atau i nia no te horeo i te mea haavare.*
9 E te Atua e, e himene au no oe i te hoê himene apî.+
E himene au i te arueraa ia* oe, apeehia e te hoê upaupa ahuru taura,
10 I tei horoa i te upootiaraa* i te mau arii,+
Tei faaora i ta ˈna tavini ra o Davida i te ˈoˈe o te haapohe.+
11 A faaora ia ˈu e ia ora vau i te rima ra o te feia ěê,
E haavare ta to ratou vaha e parau,
E e afai ratou i te rima atau i nia no te horeo i te mea haavare.
12 E riro ïa ta matou mau tamaiti mai te mau raau tupu apî o te tupu vitiviti,
Ta matou mau tamahine mai te mau pou o te mau poro fare i nanaˈohia no te hoê aorai.
13 E î ta matou mau fare vairaa maa i te hotu e rave rau.
E rahi ta matou mau nǎnǎ i te mau vahi aihere ra, e tausani e e ahuru tausani noa ˈtu.
14 Eita ta matou mau puaatoro hapû e pepe e eita te fanauˈa e marua.
Eita e faaroohia te auê na to matou mau aroâ.
15 E oaoa te nunaa mai te reira to ratou tupuraa!
E oaoa te nunaa o Iehova to ratou Atua!+