Salamo

 2 Ua vehîhia oe i te maramarama+ mai te hoê ahu.

E hohora oe i te mau raˈi mai te hoê tapoˈi fare ie.+

 3 E tuu oia i te mau pou o to ˈna mau piha i nia, i roto i te mau pape i nia i te raˈi,*+

E rave oia i te mau ata ei pereoo no ˈna,+

E tere oia na nia i te mau pererau o te mataˈi.+

 4 E faariro oia i ta ˈna mau melahi ei varua,

Ta ˈna mau tavini ei auahi ura.+

 5 Ua haamau oia i te fenua i nia i to ˈna niu.+

E ore te reira e tauihia i to ˈna vahi* e a muri noa ˈtu.+

 7 I to oe tamaˈiraa ˈtu, horo aˈera te mau pape.+

I te harururaa ta oe patiri, horo aˈera te mau pape no te riaria

 8 (Ua maraa te tahi mau mouˈa+ e ua pou te tahi mau peho i raro)

I te vahi ta oe i haamau no te mau pape.

 9 Ua tuu oe i te hoê otia eiaha te mau pape e na nia ˈtu,+

Eiaha roa te mau pape ia tapoˈi faahou i te fenua.

10 Te faahaere ra oia i te mau pape pihaa i roto i te mau peho,

I ropu i te mau mouˈa te reira e tahe ai.

11 Te horoa ra te reira i te pape na te mau animara oviri atoa.

Te haamâha nei te mau asini oviri i to ratou poihâ.

12 I nia i taua mau pape pihaa ra te mau manu o te raˈi e tau ai.

E himene ratou i ropu i te mau rauere meumeu.

14 Te faatupu ra oia i te aihere na te puaatoro

E te mau raau rii atoa na te taata,+

No te faahotu mai i te maa no roto mai i te fenua

15 E te uaina o te faaoaoa i te aau o te taata,+

Te monoˈi o te faaanaana i te hohoˈa,

E te faraoa o te tamahanahana i te aau o te taata nei.+

16 Mea ruperupe te mau tumu raau a Iehova,

Te mau tumu arezi o Lebanona ta ˈna i tanu,

17 I reira te mau manu e hamani ai i to ratou ofaaraa.

18 No te mau puaaniho mato+ te mau mouˈa teitei.

E haapuraa te mau mato no te mau saphana.*+

19 Na ˈna i hamani i te avaˈe no te faataa i te tau,

Ua ite maitai te mahana i to ˈna toparaa.+

20 E faatae mai oe i te poiri a po atu ai,+

I reira te mau animara oviri atoa o te uru raau e hahaere ai.

21 E uuru te mau liona apî a aˈuaˈu ai,+

E e imi ratou i te maa ta te Atua e horoa ra.+

22 Ia hiti te mahana,

E hoˈi ratou e taoto i roto i to ratou mau apoo.

23 E haere te tane e rave i te ohipa,

E e ohipa o ˈna e po noa ˈtu.

25 Te vai ra te miti, rarahi e te aano,

Ua î te reira i te mea ora e rave rahi, te mea nainai e te mea rarahi.+

26 Mea na reira te mau pahi e tere ai,

E o Leviatana*+ atoa, o ta oe i hamani ia hauti oia i reira.

27 Te tiai paatoa ra ratou ia oe

No te horoa ˈtu i ta ratou maa i te taime tano.+

30 Ia tono oe i to varua moˈa, e poietehia te ora,+

E e faaapî oe i te tahua o te fenua.

32 Ia hiˈo oia i te fenua, e rûrû te reira.

Ia tapea oia i te mau mouˈa, e au auahi te reira.+

33 E himene au ia Iehova+ i te roaraa o to ˈu oraraa.

E himene au i te arueraa* i to ˈu Atua a ora noa ˈi au.+

35 E mou te feia rave hara i te fenua nei,

E aita e feia ino faahou.+