Salamo

94 E te Atua tahoo, e Iehova,+

E te Atua tahoo, ia anaana oe!

 3 Ehia maororaa te feia ino, e Iehova,

Ehia maororaa te feia ino e oaoa ˈi?+

 4 Te parau noa ra ratou i te parau faateniteni.

Te faatietie ra te feia ohipa ino ia ratou iho.

 5 Te taataahi ra ratou i to nunaa, e Iehova,+

E te haavî nei ratou i to tuhaa.

 6 Te haapohe nei ratou i te vahine ivi e te taata ê,

E te taparahi pohe ra ratou i te tamarii aita e metua tane.

 7 Te parau nei ratou: “Aita Ia e ite ra,+

Aita te Atua o Iakoba e haapao mai ra.”+

 8 Ia taa ia outou, e te feia aita e feruriraa,

E te feia maamaa, afea outou e faatupu ai i te haroˈaroˈa?+

11 Ua ite Iehova i te manaˈo o te taata,

Ua ite oia e aho noa te reira.+

12 E oaoa te taata ta oe e aˈo ra, e Ia,+

Ta oe e haapii ra i ta oe ture,+

13 No te faafanaˈo ia ˈna i te hau i te mahana ati

E ô-noa-hia ˈtu te tahi apoo no te feia ino.+

14 Eita hoi Iehova e faarue i to ˈna nunaa,+

Eita atoa oia e vaiiho i ta ˈna tuhaa.+

15 E haamau-faahou-hia te haavaraa parau-tia,

E e haapao te taata aau tia atoa i te reira.

17 Ahani e ere o Iehova ta ˈu tauturu,

Ua pohe oioi* ïa vau.+

19 I te rahi-roa-raa to ˈu ahoaho,*

Ua tamahanahana e ua tamǎrû oe ia ˈu.+

20 E ore oe e apiti atu i te mau faatere* iino,

Te opua ra hoi ratou e faatupu i te peapea ma te ture.*+

21 Te aro uˈana nei ratou i te taata parau-tia+

E te faautua nei ratou i te taata hapa ore i te pohe.+

22 E riro râ Iehova ei haapuraa papu no ˈu,

E mato haapuraa to ˈu Atua no ˈu.+