Salamo

88 E Iehova, te Atua o to ˈu faaoraraa,+

E tiaoro vau ia oe i te ao,

E e haere mai au i mua ia oe i te po.+

 2 Ia tae ta ˈu pure ia oe ra,+

A fariu mai i to tariˈa* i ta ˈu aniraa i te tauturu.+

 3 Ua î hoi to ˈu oraraa i te ati,+

E tei te otia o te Apoo* vau.*+

 4 Ua taio-aˈena-hia vau i rotopu i te feia e reva i roto i te apoo.*+

Ua riro vau ei taata o tei ere i te puai,+

 5 O tei faaruehia i te feia pohe ra,

Mai te feia tei taparahi-pohe-hia e tarava noa ra i roto i te apoo hunaraa,

Ta oe e ore e haamanaˈo faahou ra

E o te ore e fanaˈo faahou ra i ta oe tauturu.

 6 Ua tuu oe ia ˈu i roto i te apoo hohonu roa ˈˈe,

I roto i te mau vahi poiri, i roto i te hoê abuso rahi.

 7 Mea teimaha to oe riri rahi i nia ia ˈu,+

E te tapoˈi ra oe ia ˈu i to oe mau are puai. (Sela)

 8 Ua faahaere oe i te feia ta ˈu i matau i te atea ê ia ˈu.+

Ua faariro oe ia ˈu ei mea e riri ai ratou.

Te tiaoro nei au ia oe e Iehova, i te roaraa o te mahana.+

Te toro atu nei au i to ˈu rima ia oe ra.

11 E faaitehia anei to here taiva ore i roto i te apoo hunaraa,

To haapao maitai i roto i te vahi haamouraa?*

12 E itehia anei ta oe mau ohipa faahiahia mau i roto i te poiri

Aore ra to parau-tia i te fenua o tei haamoˈehia?+

13 Tera râ, te taparu nei â vau ia oe i te tauturu, e Iehova,+

Te tae ra ta ˈu pure i mua ia oe i te mau poipoi atoa.+

15 Mai to ˈu apîraa mai â,

Te ahoaho nei au e ua fatata i te pohe.+

Ua rohirohi roa vau i te mau ohipa riaria ta oe e vaiiho ra ia faaruru vau.

16 Te tapoˈi ra to oe riri uˈana ia ˈu.+

Te mou nei au i ta oe mau ohipa riaria.

17 Te haaati nei te reira ia ˈu mai te pape ra i te roaraa o te mahana.

Te tapiri mai ra te reira ia ˈu na te mau vahi atoa.*

18 Ua faahaere oe i to ˈu mau hoa i te atea ê ia ˈu.+

Ua riro te poiri ei hoa no ˈu.