Salamo

103 E arue au ia Iehova.

E arue au i to ˈna iˈoa moˈa ma to ˈu aau atoa.

 2 E arue au ia Iehova.

Eiaha roa ia moˈe ia ˈu te mau mea atoa ta ˈna i rave.+

 3 Te faaore nei oia i ta oe mau hapa atoa+

E te faaora nei oia i to oe mau mauiui atoa.+

 4 Te hoo mai ra oia i to oe ora i te apoo* ra+

E te faahei nei oia ia oe i to ˈna here taiva ore e aroha hamani maitai.+

 5 Te faaî ra oia i to oe oraraa taatoa i te mau mea maitatai,+

Ia faaapî-noa-hia to oe puai* mai to te aeto ra.+

 6 Te ohipa ra Iehova ma te parau-tia+ e te afaro

No te feia atoa i haavîhia.+

 7 Ua faaite oia i to ˈna mau eˈa ia Mose,+

Ta ˈna mau ohipa i te mau tamaiti a Iseraela.+

 8 E Atua aroha hamani maitai e te aumihi o Iehova,+

O te ore e riri oioi e o tei rahi i te here taiva ore.*+

 9 Eita oia e haamanaˈo noa i ta tatou mau hapa,+

Eita atoa oia e inoino e a muri noa ˈtu.+

10 Aita oia e tahoo ra ia tatou ia au i ta tatou mau hara,+

Aita atoa oia e faahoˈi mai ra i ta tatou ia au i ta tatou mau hapa.+

11 Mai te mau raˈi o tei teitei aˈe i te fenua nei,

Mai te reira atoa te rahi o to ˈna here taiva ore i te feia e mǎtaˈu ra ia ˈna.+

12 Mai te atea o te hitiraa mahana i te toparaa mahana,

Mai te reira atoa oia ia faaatea i ta tatou mau hara ia tatou nei.+

13 Mai te hoê metua tane e faaite ra i te aroha hamani maitai i ta ˈna mau tamaiti,

Te faaite atoa ra Iehova i te aroha hamani maitai i te feia e mǎtaˈu ra ia ˈna.+

14 Ua ite maitai hoi oia i to tatou hamaniraa,+

Te haamanaˈo ra hoi oia e e repo tatou.+

15 Area ra te taata nei, e au to ˈna mau mahana i to te aihere.+

Te uaa ra oia mai te hoê tiare.+

16 Ia puhipuhi mai râ te mataˈi, aita faahou ïa,

Mai te mea ra e aita iho â taua tiare ra i reira.*

17 Aita râ e hopea to te here taiva ore o Iehova

I nia i te feia e mǎtaˈu ra ia ˈna,+

E ta ˈna parau-tia i nia i te mau tamarii a ta ratou mau tamarii,+

18 I nia i te feia e haapao ra i ta ˈna faufaa+

E te feia e haapao maite ra i ta ˈna mau faaueraa.

19 Ua haamau papu Iehova i to ˈna terono i nia i te raˈi.+

E tei nia to ˈna mana arii i te mau mea atoa.+

20 A arue ia Iehova, outou ta ˈna mau melahi atoa+ e te puai rahi,

O te faatupu ra i ta ˈna parau,+ a auraro ai i ta ˈna faaueraa.*

21 A arue ia Iehova, outou to ˈna mau nuu atoa,+

Ta ˈna mau tavini o te rave ra i to ˈna hinaaro.+

22 A arue ia Iehova, outou ta ˈna mau ohipa atoa,

I te mau vahi atoa e faatere ai oia.*