Salamo
BUKA TORU
(Salamo 73-89)
Salamo a Asapha.+
73 Mea maitai mau te Atua i nia ia Iseraela, i nia i te feia aau viivii ore.+
5 Aita ratou e haapeapea ra mai te tahi atu mau taata,+
Aita atoa ratou e mauiui ra mai te tahi atu mau taata.+
7 Te faura mai ra to ratou mata i rapae no te rahi o te maitai ta ratou e fanaˈo ra.*
Ua hau aˈe te reira i te mau manaˈo o to ratou aau.
8 Te faaooo ra ratou e te parau ra i te mea ino.+
Ma te teoteo, te haamǎtaˈu ra ratou i te haavî ia vetahi ê.+
9 Te paraparau ra ratou mai te mea ra e mea teitei ratou mai te raˈi,
E te hahaere nei to ratou arero na te fenua taatoa.
10 Te fariu ra ïa te nunaa o te Atua ia ratou ra,
E te inu ra ratou i ta ratou pape e rave rahi.
11 Te parau ra ratou: “Mea nafea te Atua e ite ai i te tupu ra?+
E ite mau anei to Tei Teitei Roa ˈˈe?”
12 Tera te huru o te feia ino, e oraraa ohie to ratou.+
Te faarahi noa ra ratou i ta ratou faufaa.+
13 Mea faufaa ore to ˈu tapearaa i te hoê aau viivii ore
E to ˈu horoiraa i to ˈu rima i te hara ore.+
16 A tamata ˈi au i te taa i te reira,
Ua peapea roa vau
17 E tomo noa ˈtu vau i roto i te nao* rahi a te Atua,
Taa aˈera ïa ia ˈu i te a muri aˈe o te feia ino.
18 Te tuu mau ra oe ia ratou i nia i te tahua heehee+
Ia hiˈa ratou a haamouhia ˈtu ai.+
19 E tae taue noa mai to ratou haamouraa!+
E tupu taue noa mai to ratou hopea e mea riaria!
20 Mai te hoê moemoeâ o te moˈe ia ara mai te taata, e Iehova,
E haamoˈe* oe i to ratou hohoˈa ia ara mai oe.
22 E maamaa to ˈu e ua ere au i te maramarama.
Ua riro vau mai te hoê animara aita e feruriraa i mua ia oe.
25 O vai ta ˈu i nia i te raˈi?
Inaha tei pihai iho oe ia ˈu, aita ïa e mea ta ˈu e hinaaro i nia i te fenua.+
26 E paruparu paha to ˈu tino e to ˈu aau,
O te Atua râ te mato o to ˈu aau e ta ˈu tuhaa e a muri noa ˈtu.+
27 E pohe mau â te feia o te faaea i te atea ê ia oe.
E haamou* oe i te taata atoa o te taiva ia oe ma te faarue ia oe.+