Ioba

 2 “A faaoromai rii â ia ˈu a faataa ˈtu ai au,

E parau â hoi ta ˈu ia parau i te iˈoa o te Atua.

 3 E faahiti maitai au i ta ˈu i ite,

E e faaite au i te parau-tia o Tei hamani ia ˈu.+

 4 E ere iho â ta ˈu mau parau i te mea haavare.

Teie i mua ia oe te Itehope.+

 5 Oia mau, mea puai te Atua+ e aita e taata ta ˈna e vahavaha.

Mea taa roa ia ˈna* te mau mea atoa.

 6 Eita oia e faaherehere i te ora o te feia ino,+

E haava râ oia i te feia i roto i te ati ma te parau-tia.+

 7 Eita to ˈna mata e fariu ê i te feia parau-tia.+

E haaparahi oia ia ratou i nia i te terono e te mau arii,*+ e ua faateiteihia ratou e a muri noa ˈtu.

 8 Ia taamuhia râ ratou i te fifi

E ia mau i te mau taura o te ahoaho,

 9 E faaite oia ia ratou i ta ratou i rave,

Ta ratou mau hapa no to ratou teoteo.

10 E haafatafata oia i to ratou tariˈa no te aˈoraa

E e parau oia ia ratou ia fariu ê i te ohipa ino.+

11 Ia faaroo e ia tavini ratou ia ˈna,

E oraraa fanaˈo to ratou e hope noa ˈtu to ratou mau mahana,

E e oaoa ratou i to ratou mau matahiti.+

12 Ia ore râ ratou ia faaroo, e mou ratou i te ˈoˈe*+

E e pohe ratou aita to ratou e ite.

14 E pohe ratou a apî noa ˈi,+

A ora noa ˈi* ratou i rotopu i te mau tane taiata.*+

15 E faaora râ te Atua* i te feia i roto i te ati a ahoaho ai ratou.

E haafatafata oia i to ratou tariˈa a haavîhia ˈi ratou.

16 E faaatea ê oia ia oe ua piri roa anaˈe oe i te ati+

I te tahi vahi aano, aita e taotiaraa,+

Ma te maa maitai i nia i ta oe amuraa maa ei tamahanahanaraa.+

17 E mauruuru ïa oe ia haavahia te feia ino,+

Ia tupu te haavaraa e ia upootia te parau-tia.

18 A ara râ eiaha ta oe ei opuaraa ino* no te rahi o te riri,+

E eiaha oe e hahi ê no te peta rahi.

19 No ta oe tuô anei ia tauturuhia oe

Aore ra ta oe mau tutavaraa rahi e ore ai oe e roohia i te ati?+

20 Eiaha e tiai ru i te po

Ia moˈe te mau taata mai to ratou vahi.

21 A ara eiaha e fariu i te ohipa ino,

A maiti ai i te reira eiaha râ te ahoaho.+

22 Inaha, ua faateiteihia te Atua no to ˈna mana.

O vai ïa orometua haapii mai ia ˈna?

23 O vai tei faaite ia ˈna* i to ˈna eˈa+

Aore ra tei parau ia ˈna: ‘Mea ino ta oe ohipa i rave’?+

24 A haamanaˈo i te faahanahana i ta ˈna ohipa,+

Tei himenehia e te mau taata.+

25 Ua ite mata te huitaata atoa i te reira,

Na te atea te taata i te hiˈo atu.

26 Oia mau, eita tatou e nehenehe e taa i te rahi o te mana o te Atua.+

Eita ta tatou e nehenehe e taa* i te rahiraa o to ˈna mau matahiti.+

27 E ume oia i te mau topata pape i nia.+

E riro te reira ei ûa mai roto i te rupehu.

28 E e manii mai te mau ata i te reira.+

E topatapata te reira i nia i te huitaata.

29 O vai te taa te hohoraraa o te mau ata,

Te patiri mai to ˈna tiahapa mai?+

30 A hiˈo e nafea oia e hohora ˈi i ta ˈna uira*+ i nia i te reira,

E e tapoˈi ai i te mau hohonuraa* o te moana.

31 Maoti te reira oia e faatamaa ˈi i* te mau nunaa.

E horoa oia i te maa e rave rahi na ratou.+

32 E tapoˈi oia i te uira i to ˈna rima,

E e faatae oia i te reira i te vahi ta ˈna e hinaaro.+

33 E faaite ta ˈna patiri i to ˈna taeraa mai,

E parau atoa te mau animara o vai* te haere mai ra.