Salamo

67 E faaite mai te Atua i te farii maitai e e haamaitai oia ia matou.

E faaanaana oia i to ˈna hohoˈa mata i nia ia matou+ (Sela)

 2 Ia itehia to eˈa na te fenua taatoa,+

Ta oe mau ohipa faaoraraa i rotopu i te mau nunaa atoa.+

 3 Ia arue te mau nunaa ia oe, e te Atua e.

Ia arue te mau nunaa atoa ia oe.

 4 Ia oaoa e ia umere te mau nunaa,+

E haava hoi oe i te mau opu ma te parau-tia.+

 5 Ia arue te mau nunaa ia oe, e te Atua e.

Ia arue te mau nunaa atoa ia oe.

 6 E horoa te fenua i ta ˈna e faahotu.+

E haamaitai te Atua, to matou Atua, ia matou.+

 7 E haamaitai te Atua ia matou,

E e mǎtaˈu* te hopea atoa o te fenua ia ˈna.+