Ioba

 2 E haapohe hoi te inoino i te taata maamaa,

E i te nounou e pohe ai te taata vare hanoa.

 3 Ua ite au i te taata maamaa i te aˈaraa,

E inaha, faainohia ˈtura to ˈna vahi nohoraa.

 4 Aita roa ta ˈna mau tamaiti e parahi hau ra,

E ua taataahihia ratou i te uputa o te oire,+ aita hoê no te faaora ia ratou.

 5 E amu tei poia i ta ˈna e ooti,

A rave atoa ˈi i te reira mai roto mai i te raau taratara,

E ua haruhia ta ratou faufaa.

 6 Eita hoi te mau mea ino e oteo mai raro mai i te repo,

E eita te ati e tupu mai raro mai i te fenua.

 7 Ua fanauhia hoi te taata no te ati,

Mea papu te reira mai te pura auahi e pee i nia.

 8 E pii râ vau i te Atua,

E i te Atua vau e faaite ai i to ˈu tupuraa,

 9 I Tei rave i te mau mea maere e te ore e nehenehe e imi,

Te mau mea faahiahia mau eita e nehenehe e taio.

10 E horoa oia i te ûa i te fenua 

E e tono i te mau pape i nia i te fenua.

11 E faatia oia i tei haihai i nia roa,

E e faatia oia i tei hepohepo no te faaoraraa.

12 E haafifi oia i te mau opuaraa a te feia mea ite i te haavarevare,

A ore atu ai te ohipa a to ratou rima e manuïa.

13 E noaahia ia ˈna te feia paari i ta ratou iho raveraa haavarevare,+

A ore atu ai e tupu te mau opuaraa a te feia mea ite i te haavarevare.

14 E farerei ratou i te poiri a ao noa ˈi,

E e perehahu ratou i te avatea mai te huru ra tei te po.

15 I te ˈoˈe o to ratou vaha e faaora mai ai oia,

A faaora ˈi i te feia veve i te rima o te feia puai,

16 E tiaturiraa ïa to tei haihai,

Ua tapirihia râ te vaha o te parau-tia ore.

17 Inaha, e oaoa te taata ta te Atua e aˈo.

Eiaha ïa e patoi i te aˈo a te Manahope!

18 E haamauiui hoi oia, e taamu râ oia i te pepe.

E ofati oia, e faaora râ oia i te fati i to ˈna iho rima.

19 E faaora mai oia ia oe i e ono ati,

Eita atoa oe e roohia i te hitu.

20 I te roaraa o te oˈe, e hoo mai oia ia oe i te pohe,

E i te puai o te ˈoˈe i te roaraa o te tamaˈi.

21 E paruruhia oe i te hui o te arero,+

E eita oe e mǎtaˈu i te ati ia tae mai te reira.

22 E ata oe i te haamouraa e te poia,

E eita oe e mǎtaˈu i te mau animara oviri o te fenua.

23 Eita hoi te mau ofai o te fenua e haafifi ia oe,*

E e parahi hau oe e te mau animara taehae o te fenua.

24 E ite oe e vahi papu* to oe fare ie,

E aita e animara ta oe e ere ra ia hiˈopoa oe i to oe fenua to reira ratou.

25 E fanaˈo oe e rave rahi tamarii,

E e rahi to oe huaai mai te aihere o te fenua.

26 E etaeta â oe ia haere oe i roto i te apoo hunaraa,

Mai te mau ruru huero maa haaputuhia i te tau ootiraa.