Tahoêhia no te faatupu i te hinaaro o te Atua
E te feia taio, te tiaturi nei matou e e tauturu te mau haamaramaramaraa i vauvauhia ˈtu i roto i teie vea iti no nia i te huru o te taviniraa, te mau putuputuraa e te faanahonahoraa a te mau Ite o Iehova, ia tahoê mau atu outou ia ratou i roto i te haamoriraa i te Atua. Te titau atu nei matou ia outou ia haamaramarama ia outou i te pu na roto i te amuiraa mai i roto i te hoê amuiraa a te mau Ite o Iehova e te apitiraa ˈtu i ta ratou mau tairururaa. E noaa ïa ia outou te hoê maramarama maitai aˈe no nia i te hinaaro o te Atua no to tatou nei anotau. — Tito 2:11-14.
A faaau noa ˈi outou i to outou oraraa i te mau titauraa a te Atua no nia i te mau ohipa maitatai, e nehenehe atoa outou e amui atu i te mau Ite o Iehova i roto i ta ratou mau ohiparaa. Taa ê noa ˈtu ai to outou amuimuiraa ˈtu i te fetii oaoa no te mau taeae i te ao taatoa nei e nehenehe ta outou e tiaturi e, e ora outou i te hopearaa o te mau mea nei e e ô atu outou i roto i te faanahonahoraa apî i reira te hau e te parau-tia e vai ai. — Petero 2, 3:13.
[Hohoˈa i te api 31]
Ahuru ma vau o na piti hanere mau fenua e mau motu i reira te mau Ite o Iehova e tahoê ai no te faatupu i te hinaaro o te Atua.
Nigéria
Auteteria
Beresilia
Tapone
Kanada
Guatemala
Ra-Parata
Helemani
Taïwan
Finlande
Afirika Apatoa
Initia
États-Unis
Fidji
Tireni
Italia
Bolivia
Phiripino
[Hohoˈa i te api 32]
“E e parau-haere-hia te evanelia o te basileia nei e ati noa ˈˈe teie nei ao, ia ite te mau fenua atoa: o te hopea ihora ïa i reira ra.” — Mataio 24:14.