E ora e a muri noa ˈtu i roto i te Paradaiso i nia i te fenua nei
Te tǎpǔ nei te Atua i te ora mure ore no te feia e faahanahana nei ia ˈna. Te horoa maira ta ˈna Parau i teie tiaturiraa: “E parahi te feia parau-tia i nia i te fenua, e parahi tamau â ratou i reira.” — Salamo 37:29.
Teie râ, ia taio-atoa-hia outou i roto i te “feia parau-tia”, e tia ia outou ia rave hau atu â i te haapii-noa-raa i te parau mau no nia i te Toru Tahi. E tia ia outou ia faarahi i to outou ite no nia i te Atua. E oaoa roa te mau Ite no Iehova i te tauturu ia outou, mai te peu e aitâ outou i fanaˈo atura i te reira. A papai atu i te Watch Tower, i te hoê o te mau vahi nohoraa i muri nei, no te ani i te tahi atu mau haamaramaramaraa aore ra no te ani ia haere mai te hoê o te mau Ite no Iehova i to outou iho fare no te haapii i te Bibilia e o outou ma te tamoni ore.