Mai te aha te oraraa i roto i te ô i Edene?

E rave rahi mau mea maitai ta Iehova i horoa na Adamu raua Eva. Genese 1:28

Ua hamani Iehova i te vahine matamua, o Eva, e ua aratai atu ia Adamu ra ei vahine na ˈna.—Genese 2:21, 22.

E feruriraa e e tino tia roa to raua.

Ua parahi raua i te ô i Edene. E vahi nehenehe roa. E anavai, e maa hotu e e animara to reira.

Ua paraparau Iehova ia raua e ua haapii atu. Ia faaroo raua ia ˈna, e ora ïa raua e a muri noa ˈtu i roto i te ô, aore ra paradaiso, i te fenua.

Ua parau te Atua eiaha e amu i to te hoê tumu raau. Genese 2:16, 17

Ua orure hau te hoê melahi i te Atua. O Satani te Diabolo taua melahi ino ra.

Ua faaite Iehova ia Adamu raua Eva i te hoê tumu raau o te ô e ua parau atu e ia amu raua i te maa hotu, e pohe raua.

Aita Satani i hinaaro ia faaroo Adamu raua Eva ia Iehova. Ua faaohipa oia i te hoê ophi no te parau ia Eva e ia amu oia i te maa o taua raau ra, e ore oia e pohe, e riro râ oia mai te Atua. E haavare hoi te reira.—Genese 3:1-5.