Hiˈo-faahou-raa no te Haapiiraa o te Taviniraa Teotaratia

Hiˈo-faahou-raa ma te tapiri i te buka i te mau tumu parau tuatapapahia i roto i te Haapiiraa o te Taviniraa Teotaratia mai te hebedoma o te 7 no Setepa e tae atu i to te 21 no Titema 1998. A pahono i nia i te hoê papie taa ê i te mau uiraa atoa e nehenehe i roto i te area taime i faataahia.

[Nota: I te taime hiˈo-faahou-raa, o te Bibilia anaˈe te faaohipahia no te pahono i te mau uiraa. Ua faahitihia te mau faahororaa i muri aˈe i te mau uiraa atoa no te faaohie i ta outou mau maimiraa. Aita te mau numera api e paratarapha o Te Pare Tiairaa i faahiti-pauroa-hia.]

A tuu “tano” aore ra “hape” i muri aˈe i te mau pereota i muri nei:

1. “Te ô, MN” e parauhia ra i roto i te Timoteo 2, 1:6, o te neheneheraa ïa e paraparau i te mau reo ěê i horoahia ia Timoteo ra na roto i te ohiparaa a te varua moˈa o te Atua. [Taioraa Bibilia tahebedoma; hiˈo w85-TH 1/12 api 18 par. 15.]

2. Te ‘haapii ra’ te hoê Kerisetiano feruriraa paari ‘i to ˈna mana o te feruriraa ia ite i te maitai e te ino’ na roto i te haamatauraa i te faaohipa i te mau mea atoa ta ˈna i ite no nia i te Parau a te Atua. (Heb. 5:14, MN) [Taioraa Bibilia tahebedoma; hiˈo w86-TH 1/1 api 25 par. 7.]

3. “Te faahiti nei” o Iehova “i to ˈna mahana i nia i te ino e te maitai, e te haamairi mai nei oia i te ûa i nia i te parau-tia e te parau-tia ore,” e tapao faaite ïa e i roto i ta ˈna mau huru raveraa atoa e te fetii taata nei, ua faaite tamau noa o Iehova i to ˈna huru pae tahi ore. (Mat. 5:45) [w96-TH 15/11 api 25 par. 7]

4. O Iakobo, o tei papai i te Bibilia, e o Iakobo, o tei auvaha ˈtu no “te mau aposetolo e te mau peresibutero” i te taime a ravehia ˈi te faaotiraa no nia i te peritomeraa, hoê noa ïa taata. (Ohi. 15:6, 13; Iak. 1:1) [si api 233, 234 par. 2-3]

5. Noa ˈtu e te parau ra te Petero 1, 5:13 e tei Babulonia o Petero i to ˈna papairaa i ta ˈna rata matamua, te faaite maira te mau haapapuraa e e iˈoa taipe o Babulonia no Roma. [si api 237 par. 4]

6. Ia au i te parau ra “te haere maira taua anetimesia ra” i roto i te Ioane 1, 2:18, hoê noa ïa taata teie e parauhia ra. [Taioraa Bibilia tahebedoma; hiˈo rs api 35 par. 1.]

7. Te faaueraa i roto i te Ioane 2, 10, oia hoi eiaha e farii i te tahi mau taata i te fare aore ra e aroha ia ratou, e tano noa ïa no te feia e turu ra i te mau haapiiraa hape. [Taioraa Bibilia tahebedoma; hiˈo w85-F 15/7 api 31 par. 1-3.]

8. Ua tuuhia te buka Apokalupo i te pae hopea roa o te Bibilia no te mea o te buka hopea ïa i papaihia e te aposetolo Ioane. [si api 248 par. 1]

9. Te faahohoˈa mau ra te Apokalupo 13:11-15 i te tiaraa faufaa mau o te Puai Rahi Beretane Marite i roto i te faatupuraa e te tururaa i te Totaiete o te mau Nunaa e i tei mono mai ia ˈna, te mau Nunaa Amui. [Taioraa Bibilia tahebedoma; hiˈo w88-TH 1/12 api 27 par. 3.]

10. I te mea hoi e te faatia ra te Bibilia ia inu i te mau ava, e mea tano noa ïa ia vaiiho i te mau peu tumu e te mau tutuu o te fenua ia haamau i te mau otia. (Sal. 104:15) [w96-TH 15/12 api 27 par. 5]

A pahono i te mau uiraa i muri nei:

11. Eaha te auraa e eiaha te hoê tiaau e riro ei “taata momoto”? (Tito 1:7) [Taioraa Bibilia tahebedoma; hiˈo w90-TH 1/9 api 19 par. 21.]

12. A horoa mai e piti tumu e faariro ai o Iehova i te horoaraa ei tuhaa no te haamoriraa mau. [w96-TH 1/11 api 29 par. 3-6; api 30 par. 3]

13. Eaha te auraa o teie mau parau a Iesu, “Aita aˈenei i tia ia oe te tusia e te [“ô,” MN]”? (Heb. 10:5) [Taioraa Bibilia tahebedoma; hiˈo w96-TH 1/7 api 14 par. 3.]

14. Eaha ta te vai-mâ-raa i te pae varua e titau ra, e nafea te reira ia tauturu i te paruru i to ˈna utuafare? (Kor. 2, 7:1) [fy api 46 par. 14]

15. Eaha te auraa o te mau parau a Petero ia ‘tapea maite i roto i te feruriraa i te mahana o Iehova’? (Pet. 2, 3:12, MN) [Taioraa Bibilia tahebedoma; hiˈo w97-TH 1/9 api 19 par. 2.]

16. Eaha te mau parau faufaa i roto i te Ioane 1, 2:2 o te tauturu ia tatou ia ite i na pǔpǔ taata e piti o te faufaahia i te pohe tusia o Iesu? [Taioraa Bibilia tahebedoma; hiˈo w90-TH 1/1 api 21 par. 11.]

17. Ia au i te Apokalupo 1:7, nafea te feia i patia ia Iesu e ite ai ia ˈna ia ‘haere mai i roto i te ata’? [Taioraa Bibilia tahebedoma; hiˈo w93-TH 1/5 api 22 par. 7.]

18. Noa ˈtu e ua poro o Iesu Mesia e toru matahiti e te afa i rotopu i te mau ati Iseraela, no te aha te rahiraa i patoi ai ia ˈna ei Mesia? [w96-TH 15/11 api 29 par. 1, 6; api 30 par. 3]

19. I roto i te Apokalupo 13:1, 2, no te aha e tano ai ia faahohoˈahia te mau faatereraa na te ao nei i “te hoê puaa [“taehae,” MN]”? [Taioraa Bibilia tahebedoma; hiˈo w89-TH 1/4 api 13 par. 17.]

20. O vai tei faahohoˈahia i “na [“matahiapo,” MN] e piti ahuru ma maha” i roto i te Apokalupo 4:4, e eaha ta to ratou mau “korona” e mau “terono” e faahaamanaˈo maira ia tatou? [Taioraa Bibilia tahebedoma; hiˈo w95-TH 1/7 api 13 par. 17.]

A faaî i te mau area i roto i te mau pereota i muri nei:

21. Ua papaihia te piti o te rata a Paulo ia Timoteo i ․․․․․․․․ i te matahiti ․․․․․․․․ T.T., e peneiaˈe tei ․․․․․․․․ noa â o Timoteo. [si api 223 par. 3]

22. No te horo i te hororaa i mua ia tatou nei, e tia ia tatou ia haapae i te mau mea teimaha atoa e ․․․․․․․․ e hara ˈi tatou nei, oia hoi ․․․․․․․․. [Taioraa Bibilia tahebedoma; hiˈo w98-TH 1/1 api 10 par. 15.]

23. E tia i te hoê tane e te hoê vahine faaipoipo ia ․․․․․․․․ te tahi i te tahi, ma te haamanaˈo noa e mea faufaa roa ˈˈe ․․․․․․․․ i te huru rapaeau noa. [fy api 26 hiˈo-faahou-raa tarenihia]

24. Ia tauaparau anaˈe te mau tane e ta ratou mau vahine, e mea faufaa roa te ․․․․․․․․ e te ․․․․․․․․. [fy api 36 par. 21]

25. I te ․․․․․․․․ hou te Mesia iho â to te mau ati Iuda haamataraa i te farii i te haapiiraa o te ․․․․․․․․ no ǒ mai i te mau Heleni ra. [w96-TH 1/8 api 6 par. 2-3]

A reni i te mau pahonoraa tano i roto i te mau faahitiraa i muri nei:

26. E faataahia te (here; faatura; farii maitai) mai te “haapaoraa ˈtu ia vetahi ê, ma te faahanahana ia ratou.” [fy api 30 par. 7]

27. Ua paturuhia te tiaraa taata papai o Paulo i te rata i to Hebera e te mau haapapuraa (no rapaeau; no roto; no teie nei ao), mai to Paulo parahiraa i (Paniora; Kereta; Italia) e to ˈna apitiraa ˈtu ia (Timoteo; Tito; Iakobo). [si api 229 par. 3]

28. I roto i te Luka 14:28, te parau ra o Iesu no nia i te (manaˈo-atea-raa; oreraa e haamâuˈa i te moni; aperaa i te ani tarahu i te moni). [fy api 40 par. 4]

29. Te “mau tavana” e faahitihia ra i roto i te Iuda 8, o (te tiaraa ïa o Iesu; te tiaraa mana arii o Iehova; te mana i horoahia e te Atua i roto i te amuiraa Kerisetiano). [si api 247 par. 9]

30. I roto i te Apokalupo 11:11, te faahohoˈa ra “na mahana e toru [“e te afa,” MN]” a riro ai te toea faatavaihia mai te feia pohe i mua i te aro o to ratou mau enemi, i (na matahiti e toru e te afa; te hoê area tau poto; na avaˈe e toru e te afa). [Taioraa Bibilia tahebedoma; hiˈo re api 167 par. 21.]

A faatuati i te mau pereota i muri nei i te mau irava e tano:

Mas. 8:30; Mat. 19:13-15; Heb. 2:1; Heb. 10:32; Iak. 4:15

31. No te patoi i te mana o te mau faahemaraa tamau ta tatou e farerei nei no ǒ mai i teie nei ao, e tia ia tatou “ia faarahi hua ˈtu i te haapao” i te Parau a te Atua na roto i te mau peu haapiiraa maitatai e te hoê porotarama taioraa Bibilia maitai. [Taioraa Bibilia tahebedoma; hiˈo w98-TH 1/1 api 7 par. 9.]

32. I te mau taime atoa tatou e rave ai i te mau faanahoraa no a muri aˈe, e tia ia tatou ia hiˈopoa na roto i te pure e te tu ra anei te reira e te opuaraa a te Atua. [Taioraa Bibilia tahebedoma; hiˈo w97-TH 15/11 api 21 par. 10-11.]

33. Ma te pee i te hiˈoraa o Iehova, e tia i te hoê metua tane maitai ia tutava i te faatupu i te hoê taairaa mahanahana e te here e ta ˈna tamarii mai to ˈna fanauraa mai â. [fy api 54 par. 7]

34. E riro to tatou haamanaˈoraa i te mau ohipa taiva ore no tahito ra i roto i te tamaˈi pae varua, i te horoa mai i te itoito hinaarohia no te faaoti i te hororaa no te ora. [w96-TH 1/12 api 29 par. 3]

35. I te mea hoi e aita o Iesu i faaite i te huru pae tahi a haamaitai ai oia i te mau tamarii apî, eiaha ïa e manaˈo e ua hau aˈe te mau tamarii tamaroa i te mau tamarii tamahine. [fy api 52 par. 4]