HAAPIIRAA 4

A maiti maite i te irava Bibilia

Mataio 22:41-45

TE FA: Hou a taio ai i te hoê irava, a faaineine i te feruriraa o te taata.

A feruri eaha te tumu oe e taio ai i te irava. Ia tauturu ta oe taioraa i te taata ia taa eaha te manaˈo faufaa ta oe e hinaaro ra e haamatara i roto i te irava.

Ia papu ia oe o vai te taata e paraparau ra i roto i te irava i taiohia aore ra na vai i papai i te buka Bibilia.
A haafaufaa i te Bibilia. A paraparau ai oe i te feia e tiaturi ra i te Atua, a huti i to ratou ara-maite-raa i nia i te Parau a te Atua. Tei roto hoi i te Bibilia te mau parau paari roa ˈˈe.
A faaite i te faufaaraa o te irava. E pahono tera irava i te hoê uiraa, e faaite paha i te ravea o te tahi fifi, aore ra e haamatara i te hoê faaueraa tumu.

A feruri eaha ta te taata i ite ê na no nia i tera haapiiraa e irava. Noa ˈtu e irava matauhia, a faaara i te anaanatae o te taata e a tauturu atu ia ite mai i te tahi atu mau poe apî.