• Ua haamahora oia i to ˈna aau i te Atua
    A pee i to ratou faaroo

    • 9. Eaha te haapiiraa e huti mai i to Hana haere-noa-raa ˈtu i Silo noa ˈtu eaha ta Penina e rave i nia ia ˈna?

      9 I te poipoi aˈe, te ohipa ra to te fare. Te faaineine ra te utuafare e te tamarii atoa. E na roto atu ratou i te fenua aivi o Epheraima e tae atu ai i Silo. Hau atu i te 30 kilometera te atea, hoê aore ra e piti mahana haereraa na raro.b Ua ite Hana eaha ta Penina e rave. Noa ˈtu râ, aita oia i faaea i te fare. E hiˈoraa maitai ïa teie no tatou. Eiaha roa ˈtu e vaiiho i te haerea ino o vetahi ê ia haafifi i ta tatou haamoriraa ia Iehova! Ia faaea tatou i te fare, e ere ïa tatou i te mau haamaitairaa o te faaitoito hoi ia tatou ia faaoromai.