• “E puai rahi” to Iehova
    A faafatata ˈtu ia Iehova

    • 15. No te aha Iehova e faaohipa ˈi i to ˈna puai no ta ˈna mau tavini e mea nafea te reira i te iteraahia i roto i te tupuraa o Elia?

      15 E faaohipa atoa Iehova i to ˈna puai no te maitai o ta ˈna mau tavini. A tapao na eaha ta te Paraleipomeno 2, 16:9 e parau ra: “Te hiˈo haere ra hoi to Iehova mata i te fenua taatoa no te faaite i to ˈna puai no te feia ua tia te aau ia ˈna.” O te tupuraa o Elia te tahi hiˈoraa. Ua horeo te arii vahine ino ra o Iezebela e haapohe ia Elia. Ua horo ê, ua moˈemoˈe, ua riaria e ua paruparu te peropheta no to ˈna manaˈo mea faufaa ore te ohipa atoa ta ˈna i rave. I tera taime ua faaite Iehova i to ˈna puai rahi ia Elia. No te aha? No te tamahanahana ia Elia e no te haamanaˈo atu ma te faahiahia mau e Atua puai o ˈna. Ua faaite te mataˈi, te aueueraa fenua e te auahi e tei ia Elia ra te Manahope. Tei pihai iho te Atua Manahope ia ˈna, eaha ïa Elia e mǎtaˈu ai ia Iezebela?​—Te mau arii 1, 19:1-12.b

  • “E puai rahi” to Iehova
    A faafatata ˈtu ia Iehova

    • b Te parau ra te Bibilia: “Aita . . . Iehova i roto i te mataˈi.” “Aita . . . Iehova i roto i te aueueraa fenua.” “Aita . . . Iehova i roto i taua auahi ra.” Eita te mau tavini a Iehova e imi ia ˈna i roto i te natura mai te feia e haamori i te mau atua ěê. Te parau ra hoi Te mau arii 1, 8:27: “Inaha, e ere te raˈi teitei i te mea aano maitai no te riro ei nohoraa no oe.”