Te faataa ra te Bibilia no te taata, e oraraa ‘poto to ratou e te î i te mauiui.’ (Ioba 14:1) Tera mau râ anei ta te Atua e hinaaro no tatou? Mai te peu aita, eaha ïa ta ˈna opuaraa no tatou? E tupu mau râ anei te reira? E hiˈo mai ïa tatou eaha te mau pahonoraa Bibilia tamahanahana mau.

1. Eaha te huru oraraa ta Iehova e hinaaro ra no tatou?

Ta Iehova e hinaaro ra no tatou, o te hoê ïa oraraa oaoa. Tera atoa ta Iehova i rave a poiete ai oia ia Adamu raua Eva, ua tuu oia ia raua i roto i te ô i Edene, te hoê paradaiso nehenehe mau. Te na ô ra te Bibilia: “Haamaitai ihora te Atua ia raua, e na ô atura te Atua: ‘Ia tamariihia orua e ia rahi, a faaî i te fenua e a haapao atu.’” (Genese 1:28) Ta Iehova e hinaaro ra, ia fanau raua i te tamarii, ia faariro i te fenua ei paradaiso e ia aupuru i te mau animara. Ta ˈna opuaraa ia oaoa te taata atoa e te hoê ea maitai e ia ora e a muri noa ˈtu.

Noa ˈtu aita te reira i tupu,a eita râ ta te Atua opuaraa i taui. (Isaia 46:10, 11) Te hinaaro noa ra Iehova ia ora te feia o te auraro ia ˈna, i te fenua e a muri noa ˈtu ma te tia roa.—A taio i te Apokalupo 21:3, 4.

2. Nafea tatou e fanaˈo ai i te hoê oraraa oaoa i teie nei â?

Ua poiete Iehova ia tatou ma te “hiaai . . . i te mau mea pae varua,” oia hoi, ma te hinaaro e ite o vai o ˈna e ma te haamori ia ˈna. (A taio i te Mataio 5:3-6.) Te hinaaro nei oia ia piri atu â tatou ia ˈna, “ia haere na to ˈna mau eˈa atoa, ia here ia ˈna,” e ia tavini ia ˈna “ma to [tatou] aau atoa.” (Deuteronomi 10:12; Salamo 25:14) Ia na reira tatou, e ite mau â tatou i te oaoa noa ˈtu e fifi to tatou. Ia haamori tatou ia Iehova, e ite tatou i te hoê oraraa oaoa no te mea te ora ra tatou mai ta ˈna e hinaaro ra ia ora tatou.

3. E opuaraa faahiahia mau ta Iehova no te taata

A pata i te VIDEO, e a aparau i te uiraa i muri nei.

VIDEO: No te aha te Atua i poiete ai i te fenua? (Tuhaa video) (1:41)

• No te aha te Atua i poiete ai i to tatou fenua nehenehe mau?

A taio i te Koheleta 3:11, e a aparau i teie uiraa:

• Eaha ta te reira e haapii ra ia oe no nia ia Iehova?

4. Aita te opuaraa a Iehova i taui

A taio i te Salamo 37:11, 29 e te Isaia 55:11, e a aparau i teie uiraa:

• Nafea tatou e ite ai aita te opuaraa a Iehova no tatou i taui?

5. E horoa mai te haamoriraa ia Iehova i te hoê oraraa oaoa mau

VIDEO: Ua haapii au i te tumu o te oraraa (5:03)

• Mea nafea Terumi i te faufaaraahia i to ˈna haapiiraa eaha te tumu o te oraraa?

A taio i te Koheleta 12:13, e a aparau i teie uiraa:

• Ua rave hoi Iehova i te mau mea atoa no tatou, e nafea tatou e faaite ai i to tatou mauruuru ia ˈna?

HAAPOTORAA

Te hinaaro ra Iehova ia oaoa tatou i te ora e a muri noa ˈtu ma te tia roa i te fenua nei. E haamori tatou ia ˈna ma to tatou aau atoa e e ite tatou i te hoê oraraa oaoa mau i teie nei â.

Haamanaˈoraa

• Eaha te opuaraa matamua a Iehova no Adamu raua Eva?

• Nafea tatou e ite ai e aita te opuaraa a te Atua i taui?

• Nafea oe e ite ai i te hoê oraraa oaoa?

HIˈOPOA

A hiˈo i te haapapuraa e ua vai mau â te ô i Edene i mutaa iho.

“Te ô i Edene—Aamu mau aore ra aai?” (Te Pare Tiairaa 1 no Fepuare 2011)

A haapii no te aha e papu ai ia tatou e vai noa te fenua e a muri noa ˈtu.

“E haamouhia anei te fenua?” (Tumu parau natirara)

A hiˈopoa eaha ta te Bibilia e parau ra no te ite i te hoê oraraa oaoa i roto i to oe oraraa.

“No te aha tatou e ora ˈi?” (Tumu parau natirara)

A hiˈo mea nafea te hoê taata i te iteraa ta ˈna i ere i roto i to ˈna oraraa, i manaˈo noa ˈi oia ua noaa mai ia ˈna te mau mea atoa.

I teie nei e oraraa oaoa mau to ˈu (3:55)

2. O vai te faatere e o Iesu?

E ere o Iesu anaˈe te faatere mai. Te vai atoa ra te tahi mau taata “no te mau opu e reo e nunaa atoa, . . . e . . . faatere mai ratou ei arii i te fenua.” (Apokalupo 5:9, 10) Ehia o ratou o te faatere e te Mesia? Mai te taime a haere mai ai o Iesu i te fenua nei, e mirioni Kerisetiano tei riro mai ei pǐpǐ na ˈna. Tera râ, 144 000 noa o ratou te haere i te raˈi no te faatere e o Iesu. (A taio i te Apokalupo 14:1-4.) Area te taatoaraa o te mau Kerisetiano i te fenua nei, e riro ïa ratou ei huiraatira o te Faatereraa arii.—Salamo 37:29.

Ua haamata aˈena te Faatereraa arii a te Atua i te faatere mai. Fatata roa oia i te rave i te mau tauiraa rahi i te fenua nei. E hiˈo mai tatou i te tahi mau mea maitatai ta oe e nehenehe e ite i raro aˈe i te faatereraa a te Faatereraa arii.

1. E nafea te Faatereraa arii a te Atua e hopoi mai ai i te hau e te parau-tia i te fenua nei?

E haamou Iesu, te Arii o te Faatereraa arii a te Atua i te feia ino e te mau faatereraa atoa i te tamaˈi Aramagedo. (Apokalupo 16:14, 16) I reira te parau tohu Bibilia i muri nei e tupu roa ˈi: “Tau taime â, e aita faahou te feia ino.” (Salamo 37:10) E faaohipa Iesu i te Faatereraa arii ia papu ia ˈna e e itehia te hau e te parau-tia i te mau vahi atoa.—A taio i te Isaia 11:4.

2. Mai te aha te huru oraraa ia faatupuhia te hinaaro o te Atua i te fenua nei?

I raro aˈe i te faatereraa a te Faatereraa arii a te Atua, “e fatu te feia parau-tia i te fenua, e e parahi ratou i nia iho e a muri noa ˈtu.” (Salamo 37:29) A feruri na i te hoê ao mea maitai te feia atoa, mea here te taata atoa ia Iehova e mea here te tahi i te tahi! Aita te taata e maˈi faahou, e e ora te taata atoa e a muri noa ˈtu.

3. Eaha ta te Faatereraa arii a te Atua e faatupu i muri aˈe a haamou ai oia i te feia ino?

Ia oti te taata i te haamouhia, e faatere Iesu ei Arii 1 000 matahiti. I tera roaraa matahiti, e tauturu oia e ta ˈna na 144 000 o te faatere e o ˈna, i te taata i te fenua nei ia riro mai ratou ei taata tia roa. Ia hope na 1 000 matahiti, e riro ai te fenua taatoa ei paradaiso nehenehe mau, e e oaoa te taata atoa no to ratou auraroraa i ta Iehova mau ture. E horoa Iesu i te faatereraa i to ˈna Metua ra, ia Iehova. Mai tei ore i itehia aˈenei, e “moˈa to [Iehova] iˈoa.” (Mataio 6:9, 10) Ua haapapu te reira e e Atua faatere maitai o Iehova o te haapeapea ra no to ˈna mau taata. E haamou Iehova ia Satani e ta ˈna mau demoni e te feia o tei maiti i te orure hau i ta Iehova mana faatere. (Apokalupo 20:7-10) E hopoi mai te Faatereraa arii a te Atua i te hoê oraraa tia roa e a muri noa ˈtu.

A FAAHOHONU ATU Â

4. E faaore te Faatereraa arii a te Atua i te mau faatereraa arii a te taata

E “faatere . . . te taata i te taata no to ˈna iho ati.” (Koheleta 8:9) Maoti ta ˈna Faatereraa arii, e faaore Iehova i teie parau-tia ore.

A taio i te Daniela 2:44 e te Tesalonia 2, 1:6-8, e a aparau i teie mau uiraa:

• Eaha ta Iehova e ta ta ˈna Tamaiti ra o Iesu e rave no te mau faatereraa a te taata e te feia o tei turu ia ratou?

• Mai ta oe i haapii no nia ia Iehova e ia Iesu, eaha te haapapu ra ia oe e mea afaro e mea tia ta raua ohipa?

5. O Iesu te Arii maitai roa ˈˈe

Ei Arii o te Faatereraa arii a te Atua, e tauturu Iesu i te feia i te fenua nei ma te mau ravea e rave rau. A pata i te VIDEO o te faaite ra e te hinaaro ra Iesu e tauturu i te taata e ua horoa te Atua ia ˈna ra te mana no te rave i te reira.

VIDEO: Ua faaite Iesu eaha ta te Faatereraa arii e faatupu (1:13)

Te faaite ra te mau mea ta Iesu i rave a haere mai ai oia i te fenua nei, i ta te Faatereraa arii a te Atua e faatupu. Eaha te mau haamaitairaa i ǒ nei ta oe e tiai ru nei i te ite? A taio i te mau irava o te tauturu ia tatou ia ite hau atu â no nia i teie mau haamaitairaa.

6. E hopoi mai te Faatereraa arii a te Atua i te hoê a muri aˈe faahiahia mau

VIDEO: Te hoê oraraa faahiahia mau no a muri aˈe (4:38)

A taio i te Salamo 145:16, e a aparau i teie uiraa:

• Eaha to oe huru ia ite oe e e haamâha Iehova i “te hinaaro o te mau mea ora atoa”?

HAAPOTORAA

E faatupu te Faatereraa arii a te Atua i ta te Atua e hinaaro ia ravehia. Oia hoi o te faariroraa ïa i te fenua taatoa ei paradaiso tei î i te taata maitai o te haamori ia Iehova e a muri noa ˈtu.

Haamanaˈoraa

• E nafea te Faatereraa arii a te Atua e haamoˈa ˈi i to Iehova iˈoa?

• No te aha tatou e tiaturi ai e e faatupu roa te Faatereraa arii a te Atua i ta te Bibilia i fafau?

• I roto i te mau mea atoa ta te Faatereraa arii e faatupu, eaha ta oe e tiai ru nei i te ite?

HIˈOPOA

A hiˈo eaha Aramagedo.

“Eaha te tamaˈi o Aramagedo?” (Tumu parau natirara)

A hiˈopoa i te mau tupuraa e tupu i te roaraa o ta Iesu i parau te hoê “ati rahi.”—Mataio 24:21.

“Eaha te ati rahi faahitihia i roto i te Bibilia?” (Tumu parau natirara)

A hiˈo e nafea te mau utuafare e nehenehe ai e feruri amui maite ai no nia i te mau haamaitairaa no a muri aˈe ta te Faatereraa arii e hopoi mai.

A feruri to roto oe i te paradaiso (1:50)

I roto i te tumu parau “E rave rahi uiraa i roto i to ˈu feruriraa,” a haapii mea nafea te hoê taata poritita orure hau i te iteraa i te mau ravea ta ˈna i imi noa na.

“Ua taui te Bibilia i to ˈu oraraa” (Tumu parau o Te Pare Tiairaa)