UIRAA 6
Eaha ta te Bibilia i tohu no nia i te Mesia?
PARAU TOHU
“Oe, e Betelehema Epherata, . . . mai roto mai ia oe e tia mai ai no ˈu o te riro mai ei faatere i Iseraela.”
TUPURAA
“I muri aˈe i to Iesu fanauraahia i Betelehema i Iudea i te tau o te arii Heroda, inaha, e feia hiˈo fetia no hitia o te râ tei tae mai i Ierusalema.”
PARAU TOHU
“Te opere ra ratou i to ˈu mau ahu i rotopu ia ratou, e te tuu kelero ra ratou i to ˈu ahu.”
TUPURAA
“I muri aˈe i to te mau faehau patitiraa ia Iesu i nia i te pou, rave aˈera ratou i to ˈna mau ahu, pahae atura ei maha tuhaa . . . Aita râ e niraraa to taua ahu ra, mea raraa-noa-hia mai nia mai e raro roa. Na ô aˈera te tahi i te tahi: ‘Eiaha e pahae i teie ahu, e tuu kelero râ tatou no te faaoti na vai e rave atu.’”
PARAU TOHU
“Te tiai nei oia i to ˈna mau ivi atoa. Aita hoê i ofatihia.”
TUPURAA
“I to ratou taeraa ia Iesu, ite ihora ratou e ua pohe ê na o ˈna, aita ˈtura ratou i ofati i to ˈna avae.”
PARAU TOHU
“Ua patiahia oia no ta tatou mau hapa.”
TUPURAA
“Patia ˈtura te hoê faehau i te aoao o Iesu i te hoê omore. I reira iho, tahe maira te toto e te pape.”
PARAU TOHU
“Aufau maira ïa ratou ia ˈu: 30 moni ario.”
TUPURAA
“Haere atura hoê o na 12, tei piihia Iuda Isakariota, i te mau tahuˈa tiaau e parau atura: ‘Eaha ta outou e horoa mai na ˈu ia tuu atu vau ia Iesu i to outou rima?’ Faaau aˈera ratou e horoa ˈtu e 30 moni ario.”