I to ˈna iteraa e ua taui ta ˈna tane, ua haamata atoa Mihoko i te faaohipa i te mea ta ˈna e haapii ra. Teie te hoê faaueraa tumu o tei tauturu rahi ia ˈna: “A faaea i te haava, ia ore outou ia haavahia mai; o ta outou hoi e haava ia vetahi ê ra, e haava-atoa-hia ïa outou i te reira.”e No reira, ua faaoti Mihoko e ta ˈna vahine e tauaparau i nia i to raua mau vahi maitatai e nafea raua e nehenehe ai e haamaitai i to raua oraraa eiaha râ e faahapa noa te tahi i te tahi. Eaha te faahopearaa? Te haamanaˈo ra Mihoko e: “Ua faaoaoa mau â te reira ia ˈu. Ua na reira mâua i te taime tamaaraa i te mau po atoa. E faaô atoa mai ta maua tamaroa e toru matahiti i roto i te aparauraa. Ua faaitoito mau te reira ia mâua!”