-
O vai Iesu?Ia ora oe e a muri noa ˈtu! (Aparauraa Bibilia)
-
-
1. O vai Iesu?
E melahi puai o Iesu o ta Iehova i poiete hou a poiete ai i te mau mea atoa. No reira Iesu i piihia ˈi “te matahiapo o te mau mea atoa i poietehia.” (Kolosa 1:15) No te aha te Bibilia i parau ai e o Iesu te “Tamaiti otahi” a te Atua? No te mea na Iehova iho i poiete ia Iesu. (Ioane 3:16) Ua ohipa amui Iesu e o Iehova no te poiete i te mau mea atoa. (A taio i te Maseli 8:30.) Ua vai piri noa oia e to ˈna metua ra o Iehova. Ua tavini oia ma te taiva ore ei auvaha no te Atua, oia hoi, “te Parau,” no te hopoi i te mau aratairaa e te mau poroi a Iehova.—Ioane 1:14.
-
-
E nafea te pohe o Iesu e faaora ˈi ia tatou?Ia ora oe e a muri noa ˈtu! (Aparauraa Bibilia)
-
-
HAAPIIRAA 27
E nafea te pohe o Iesu e faaora ˈi ia tatou?
No te aha tatou e hara ˈi, e mauiui ai e e pohe ai? No te mea ua faaroo ore to tatou na metua matamua ra o Adamu raua Eva i te Atua.a Tera râ, e tiaturiraa to tatou. Ua horoa mai Iehova i te hoê ravea no te faaora mai ia tatou i te hara e te pohe. Mai ta te Bibilia e parau ra, teie ravea, o te pohe ïa o Iesu, oia hoi, te hoo. Eaha te hoo? O te hoê ïa tino moni e aufauhia no te faaora i te hoê taata. E no Iesu, o to ˈna ïa ora tia roa ta ˈna i horoa no tatou. (A taio i te Mataio 20:28.) Ma te horoa i to ˈna ora no tatou, ua nehenehe tatou e fanaˈo faahou i ta Adamu raua Eva i ere. Te faaite atoa ra te reira i to Iesu e to Iehova here no tatou. E tauturu mai teie haapiiraa ia haafaufaa atu â i te pohe o Iesu.
1. E nafea tatou e faufaahia ˈi i te pohe o Iesu i teie mahana?
No te mea e taata hara tatou, te rave nei tatou i te ohipa aita e tano ra ia Iehova. Ia tatarahapa mau râ tatou no ta tatou mau hara e ia ani tatou ia Iehova na roto i te arai o Iesu ia faaore mai e ia ore tatou e tapiti faahou, e fanaˈo ïa tatou i te hoê auhoaraa piri roa e te Atua. (Ioane 1, 2:1) Te parau ra te Bibilia: “Ua pohe . . . te Mesia hoê roa poheraa no te mau hara, te hoê taata parau-tia no te feia parau-tia ore, no te aratai ia outou i te Atua ra.”—Petero 1, 3:18.
2. E nafea tatou e faufaahia ˈi i te pohe o Iesu i mua nei?
Ua tono Iehova ia Iesu no te pûpû i to ˈna ora tia roa “ia ore ia mou te taata atoa o te faatupu i te faaroo ia [Iesu], ia roaa râ ia ratou te ora mure ore.” (Ioane 3:16) Maoti ta Iesu i rave no tatou, fatata Iehova i te faaore i te mau mea ino atoa ta te faaroo ore o Adamu i faatupu. Te auraa, ia faatupu tatou i te faaroo i te tusia o Iesu, e nehenehe tatou e fanaˈo i te ora mure ore i te fenua nei!—Isaia 65:21-23.
A FAAHOHONU ATU Â
A haapii hau atu â no te aha Iesu i horoa ˈi i to ˈna ora, e a hiˈo e nafea oe e faufaahia ˈi i te reira.
3. E faatiamâ mai te pohe o Iesu ia tatou i te hara e te pohe
A pata i te VIDEO, e a aparau i te uiraa i muri nei.
Eaha ta Adamu i ere i to ˈna faaroo-ore-raa i te Atua?
A taio i te Roma 5:12, e a aparau i teie uiraa:
Mea nafea te hara a Adamu i ohipa ˈi i nia i to oe oraraa?
A taio i te Ioane 3:16, e a aparau i teie uiraa:
No te aha Iehova i tono ai i ta ˈna Tamaiti i te fenua nei?
E taata tia o Adamu o tei faaroo ore i te Atua e o te aratai i te taata i te hara e te pohe
E taata tia o Iesu o tei faaroo i te Atua e o te aratai i te taata i te tia-roa-raa e te ora mure ore
4. E nehenehe te taata atoa e faufaahia i te pohe o Iesu
A pata i te VIDEO, e a aparau i te uiraa i muri nei.
E nafea te taata atoa e faufaahia ˈi i te pohe o te hoê taata?
A taio i te Timoteo 1, 2:5, 6, e a aparau i teie uiraa:
E taata tia o Adamu o te aratai i te taata i te hara e te pohe. E taata tia atoa o Iesu. Nafea ïa oia i te horoaraa i te hoê “hoo aifaito”?
5. Te hoo e ô na Iehova na oe
No te mau hoa o Iehova, ua riro te hoo ei ô na ratou. Ei hiˈoraa, a taio i te Galatia 2:20, e a aparau i teie uiraa:
Nafea te aposetolo Paulo i te faataaraa e ua faariro oia i te hoo ei ô na ˈna?
A hara ˈi Adamu, ua faautuahia oia e to ˈna huaai i te pohe. Ua tono râ Iehova i ta ˈna Tamaiti ia pohe ia nehenehe tatou e fanaˈo i te ora mure ore.
A taio ai oe i te mau irava i muri nei, a feruri i to Iehova huru a mauiui ai ta ˈna Tamaiti. A taio i te Ioane 19:1-7, 16-18, e a aparau i teie uiraa:
Eaha to oe manaˈo no ta Iehova e Iesu i rave no oe?
E ANI PAHA VETAHI: “Mea nafea te pohe o te hoê taata e faaora ˈi i te mau taata atoa?”
E nafea oe ia pahono?
HAAPOTORAA
Maoti te pohe o Iesu i nehenehe ai Iehova e faaore i ta tatou mau hara ia nehenehe tatou e fanaˈo i te ora mure ore.
Haamanaˈoraa
No te aha Iesu i pohe ai?
E nafea te ora tia roa o Iesu e riro ai ei hoo aifaito?
E nafea tatou e faufaahia ˈi i te pohe o Iesu?
HIˈOPOA
A haapii no te aha te ora tia roa o Iesu i parauhia ˈi te hoo.
A hiˈo eaha te titauhia ia tatou no te ora mai.
“Eaha ta Iesu i rave no te faaora ia tatou?” (Tumu parau natirara)
E nehenehe anei Iehova e faaore i te hara ino mau?
A hiˈo e nafea te haapiiraa no nia i te tusia o te Mesia i tauturu ai i te hoê taata ia taui i to ˈna huru.
a E ere noa te hara i te raveraa i te ohipa ino, oia atoa i te tupuraa ino tei tutuuhia mai ia tatou.
-
-
A faaite i te mauruuru no ta Iehova e Iesu i rave no oeIa ora oe e a muri noa ˈtu! (Aparauraa Bibilia)
-
-
1. Nafea tatou e faaite ai i te mauruuru no ta Iehova e Iesu i rave no tatou?
Te fafau ra te Bibilia “te taata atoa o te faatupu i te faaroo ia [Iesu]” e ora ïa e a muri noa ˈtu. (Ioane 3:16) Eaha te auraa e faatupu i te faaroo? Te auraa ia rave tatou hau atu â i te tiaturi noa ia Iesu. E titau-atoa-hia ia tatou ia faaite i te faaroo na roto i te mau faaotiraa e ohipa ta tatou e rave. (Iakobo 2:17) Ma te na reira, e puai atu â to tatou auhoaraa e o Iesu e to ˈna Metua ra o Iehova.—A taio i te Ioane 14:21.
-