HAAPIIRAA 02
E horoa te Bibilia i te hoê tiaturiraa
Na te ao atoa nei, te faaruru nei te taata i te mau fifi e tupu ai te oto, te ahoaho e te mauiui atoa. Ua faaruru anei oe i te hoê fifi i tupu ai taua mau mea ra i roto ia oe? Peneiaˈe te mauiui ra oe no te maˈi aore ra no te pohe o te hoê taata ta oe i here. Te ui ra paha oe: ‘E maitai mai anei te oraraa?’ E pahonoraa tamahanahana ta te Bibilia i teie uiraa.
1. Eaha te tiaturiraa ta te Bibilia e horoa mai no a muri aˈe?
Te faataa ra te Bibilia no te aha tatou e faaruru ai i te fifi, e faaite atoa mai te reira i te hoê parau apî oaoa. E nehenehe te mau parau fafau i roto i te Bibilia e “horoa ˈtu i te tahi oraraa no a muri aˈe e te tahi tiaturiraa.” (A taio i te Ieremia 29:11, 12.) E tauturu mai teie tiaturiraa ia tatou ia faaoromai i te mau fifi e ia oaoa i teie nei â, e haapapu atoa mai taua mau parau fafau ra e oaoa noa tatou e a muri noa ˈtu.
2. E nafea te Bibilia e faataa ˈi i te oraraa no a muri aˈe?
Te parau ra te Bibilia no a muri aˈe e “e ore roa te pohe, e ore atoa te oto e te auê e te mauiui.” (A taio i te Apokalupo 21:4.) E ore roa ïa te mau fifi o te haamauiui ra i te taata i teie mahana, mai te veve, te parau-tia ore, te maˈi e te pohe. Te fafau ra te Bibilia e e nehenehe te taata e ora e a muri noa ˈtu i roto i te paradaiso i nia i te fenua.
3. E nafea e papu ai ia oe e tupu iho â te mau parau fafau o te Bibilia?
E rave rahi taata o te hinaaro ra ia tupu te ohipa maitai, aita râ ratou i papu e tupu iho â ta ratou e tiaturi ra. Mea taa ê ta te Bibilia e fafau ra. E papu atu â to tatou tiaturiraa i te Bibilia “a hiˈopoa maitai ai i te mau Papai.” (Ohipa 17:11) A haapii ai oe i te Bibilia, na oe iho e faaoti e tiaturi anei oe i ta te reira e parau ra no a muri aˈe.
A FAAHOHONU ATU Â
A hiˈopoa i te tahi mau tupuraa ta te Bibilia e fafau ra e tupu a muri aˈe. A hiˈo e nafea te tiaturiraa ta te Bibilia e horoa ra e tauturu ai i te taata i teie mahana.
4. Te fafau mai ra te Bibilia e ora tatou e a muri noa ˈtu ma te fifi ore
A hiˈo i te mau parau fafau i muri nei o te itehia i roto i te Bibilia. Teihea o te haaputapû ra ia oe? No te aha?
A taio i te mau irava i pihai iho i taua mau parau fafau ra, e a feruriruri i teie mau uiraa:
I to oe manaˈo, te faufaahia ra anei oe i teie mau irava? E faufaahia anei to oe utuafare e to oe mau hoa ia haapii ratou i ta teie mau irava e parau ra?
A feruri na i te hoê ao
AITA E TAATA . . . |
PAUROA TE TAATA . . . |
|---|---|
|
|
|
|
|
|
|
|
|
|
5. E taui te oraraa o te taata i te tiaturiraa ta te Bibilia e horoa ra
E rave rahi taata te ahoaho e te riri ra no te mau fifi ta ratou e ite ra ati aˈe ia ratou. Te tutava nei vetahi no te haamaitai mai i te huru o te oraraa. A hiˈo mea nafea te parau fafau o te Bibilia i te tautururaa i te taata i teie mahana ia maitai mai te huru o te oraraa. A pata i te VIDEO, e a aparau i te mau uiraa i muri nei.
I roto i te video, eaha te tupuraa parau-tia ore ta Rafika i faaruru?
Noa ˈtu aita te tupuraa parau-tia ore ta ˈna i ite i faaea, mea nafea te Bibilia i te tautururaa ia ˈna?
Ia tiaturi tatou i ta te Bibilia e fafau ra no a muri aˈe, e nehenehe tatou e faaruru i te ahoaho e e oaoa noa ˈtu te mau fifi ta tatou e faaruru ra. A taio i te Maseli 17:22 e te Roma 12:12, e a aparau i teie mau uiraa:
I to oe manaˈo, ia tiaturi oe i ta te Bibilia e parau ra no a muri aˈe e maitai mai anei to oe oraraa? No te aha?
TE MANAˈO O VETAHI: “E moemoeâ noa ta te Bibilia e fafau ra no a muri aˈe.”
No te aha mea faufaa na oe iho e imi i te haapapuraa?
HAAPOTORAA
Te horoa mai ra te Bibilia i te hoê tiaturiraa e te tauturu mai ra ia tatou ia faaruru i te mau fifi ma te fafau i te hoê a muri aˈe oaoa mau.
Haamanaˈoraa
No te aha te taata e hinaaro ai i te hoê tiaturiraa?
Eaha ta te Bibilia e parau ra no a muri aˈe?
E nafea oe e faufaahia ˈi i teie nei â maoti te hoê tiaturiraa no a muri aˈe?
HIˈOPOA
A haapii e nafea te tiaturiraa e tauturu ai ia oe ia faaruru i te fifi.
“Te tiaturiraa: Ihea oe e ite ai i te reira?” (A ara mai na! 22 no Eperera 2004)
A hiˈo e nafea te hoê tiaturiraa no a muri aˈe e tauturu ai i te feia e maˈi tamau to ratou.
“E tauturu anei ta te Bibilia no te maˈi tamau?” (Tumu parau natirara)
A mataitai ai oe i teie himene, a feruri tei roto oe e to oe utuafare i te paradaiso ta te Bibilia e fafau ra.
A taio mea nafea te hoê taata tei aro na no te haamaitai i te huru o te oraraa i te tauiraa maoti te parau a te Bibilia no a muri aˈe.
“E ere na ˈu e taui i te tupuraa o te ao” (Tumu parau o Te Pare Tiairaa)