HAAPIIRAA 11

A faaara i te anaanatae

Roma 12:11

TE FA: A faaara i te anaanatae o te taata e a faaitoito atu na roto i ta oe mau parau.

Ia putapû to oe iho aau. A faaineine ai, a feruri maite i te faufaaraa o ta oe tumu parau. A hiˈopoa maitai i te reira ia nehenehe oe e faataa na roto i ta oe iho mau parau.
A feruri i te taata. A feruriruri e nafea te taata e faufaahia ˈi i ta oe e taio aore ra e haapii atu. A imi i te ravea no te faataa i te reira ia anaanatae te taata.
Mea oraora oe ia paraparau. Eiaha e paraparau ma te haumani. Na roto i te aparaa rima e te hohoˈa mata, a faaite i to oe mau huru aau.

Ei auraa to ta oe aparaa rima e tia ˈi. Mai te peu hoê noa aparaa rima ta oe, e nevaneva te taata. Mea oraora anaˈe oe a faaite ai i te mau manaˈo faufaa, e turai ïa oe i te taata ia ohipa. Eiaha râ e faarahi roa a rohirohi te taata i te faaroo ia oe.