¿Yabal xjuʼ awuʼun scholel bin yuʼun achʼuunej te ay Diose?

Teme ay machʼa ya sjojkʼoybat bin yuʼun achʼuunej te ay Diose, ¿binwan ya asutbey? Swenta ya anaʼ ta lek scholel te bin ya awale, ay cheb te bin ya skʼan ya apase. Nail, ya skʼan ya anopbey skʼoplal te yuʼun-nix ay machʼa la spasotik-ae (Ro 12:1, 2). Patil, ya skʼan ya anop te bin-utʼil ya acholbey skʼoplal te bin achʼuuneje (Pr 15:28).

SWENTA YA ANAʼ BIN YUʼUN SCHʼUUNEJ CHAʼOXTUL ANTS WINIKETIK TE AY JPASWANEJE, ILAWIL TE BIDEOETIK JTUL CIRUJANA YA SCHOL KAʼIYTIK BIN YUʼUN SCHʼUUNEJ TE AY DIOSE SOK JTUL ZOÓLOGO YA SCHOL KAʼIYTIK BIN YUʼUN SCHʼUUNEJ TE AY DIOSE. PATIL AKʼBEYA SUJTIB TE JOJKʼOYELETIKE:

• 

  ¿Bin yuʼun te Irène Hof Laurenceau jaʼ schʼuunej te ay Jpaswanej kuʼuntik, te ma jaʼuk chiknajemotik tal ta evolución?

• 

  ¿Bin yuʼun te Yaroslav Dovhanych jaʼ schʼuunej te ay Jpaswanej kuʼuntik, te ma jaʼuk chiknajemotik tal ta evolución?

• ¿Bin-utʼil ya acholbey yaʼiy yantik te achʼuunej te ay machʼa la spasotike?

• ¿Bin junetik slokʼesoj te organisasion yuʼun Jehová te ya skoltayat swenta ya xkʼotxan lek ta awoʼtan te ay Jpaswanej kuʼuntik sok te ya xjuʼ ya acholbey yaʼiy te yantike?