KʼAYOJIL 75
«¡Liʼ ayon, tikunawon!»
(Isaías 6:8)
1. Ay machʼatik ya sbolkʼoptay
te sbiil te jTatik Jehová
sok ya yalik: «Tulan yoʼtan,
maʼyuk jkʼoplaltik ta yoʼtan».
¿Machʼa ya skoltaybey skʼoplal
te schʼul biil te Dios Jehová?
(ESTRIBILLO 1)
«Jtatik Jehová, tikunawon.
Ya jtoytesbat awutsilal.
Jaʼ mukʼul majtanil, Jehová Dios.
¡Liʼ ayon, tikunawon!».
2. Ay machʼatik te ma skʼanik
ya yichʼik ta mukʼ te Jehová.
Ya sleik lotil diosetik,
ya yakʼ sbaik ta stojolik.
¿Machʼa ya xbajt yalbey yaʼiy
nopol te skʼajkʼalel Jehová?
(ESTRIBILLO 2)
«Jtatik Jehová, tikunawon.
Ya jultesbey ta yoʼtanik.
Jaʼ mukʼul majtanil, Jehová Dios.
¡Liʼ ayon, tikunawon!».
3. Ay machʼatik pekʼel yoʼtan
ayik ta tulan mel-oʼtan.
Ya sleik te lamalkʼinal
talem ta stojol te Jehová.
¿Machʼa ya yakʼbey yaʼiyik
lamalkʼinal ta yoʼtanik?
(ESTRIBILLO 3)
«Jtatik Jehová, tikunawon.
Ya jcholbey te lek yachʼil kʼop.
Jaʼ mukʼul majtanil, Jehová Dios.
¡Liʼ ayon, tikunawon!».
(Kʼoponaxan te Sal. 10:4; Ezeq. 9:4).