¿Yabal yaʼiy Dios te oracionetike?

Te kʼalal ya akʼopon te Diose, ¿yabal achʼuun te ya yaʼiybat akʼope?

¿BIN YA YAL TE BIBLIAE?

Te Dios ya yaʼiybat akʼop. Te Biblia ya yal te «nopol ay te Jehová ta stojol spisil machʼatic ya scʼoponic, spisil machʼatic ya scʼoponic ta smelelil [...]; ya yaʼiybe yawic soc ya scoltaylan» (Salmo 145:18, 19).
Te Dios ya skʼan te yakuk akʼopon. Te Biblia jich ya yalbotik: «Chikan bin wokolil yak ta kʼaxel ta atojolik, jaʼ lek albeyaik Dios te bin ya skʼan awoʼtanik ta swenta oración ta swenta skʼanel wokol sok ta yalel wokol» (Filipenses 4:6).
Te Dios ya smel yoʼtan ta atojol. Te Dios snaʼoj te awokole sok te ya amel awoʼtane sok ya skʼan ya skoltayat. Te Biblia jich ya yal: «Akʼbeyaik ta stojol spisil te bintik ya amel awoʼtanik yuʼun», melel kʼuxex ta yoʼtan (1 Pedro 5:7).