9 Ta tsʼakale, xi la spas orasion li Jakobe: «Voʼot Sdiosot li jmukʼtot* Abraane xchiʼuk Sdiosot li jtot Isaake. Jeova, voʼot ti xi chavalbune: ‹Sutan batel ta alumal xchiʼuk ta slumal li avutsʼ avalale, voʼon ta jkʼuxubinot›+ ti xachie, 10 mu jta-o skotol li tukʼil kʼanelal xchiʼuk ti tukʼ chavakʼ aba ta jtojolal li avajtunelune,+ yuʼun kʼalal echʼ jtuchʼ li Jordane, kʼajomal noʼox jnamteʼ kichʼoj jelavel, yan li avie chaʼtsop xa li kʼusitik oy kuʼune.+