• Eksodo 31:2-5
    Xchʼul Kʼop Dios sventa Achʼ Balumil

    • 2 «Kʼelavil, laj xa jtʼuj* Besalel+ ti jaʼ xnichʼon Uri xchiʼuk ti jaʼ smom Ur ti te likem talel li ta jchop snitilulal Judae.+ 3 Ta jnojes ta s-espiritu Dios, chkakʼbe spʼijil, chlik yaʼibe smelolal kuʼun xchiʼuk chojtikin lek kʼuxi ta pasel kʼusiuk noʼox pʼijil abtelal, 4 sventa xlokʼtaj yuʼun kʼusitik ti kʼupilik sba tajek xvinaje, sventa xabtelan oro, plata, kovre, 5 sventa set xchiʼuk xakʼbe snakleb tonetik+ xchiʼuk sventa spas yuʼun kʼusiuk noʼox ta teʼetik.+