24 Xi laj yalbe ta tsʼakal xchiʼiltak ta vokʼel li Josee: «Chicham xa me un, pe li Diose chtal skoltaoxuk ta melel+ xchiʼuk jpʼel skʼoplal chikʼoxuk lokʼel liʼ ta osile sventa chakʼboxuk li osil ti laj yakʼ ye chakʼbe li Abraan, Isaak xchiʼuk li Jakobe».+ 25 Jaʼ yuʼun, li Josee laj yalbe xchiʼiltak ta vokʼel ti xakʼ yeike, xi laj yalanbee: «Li Diose chtal skoltaoxuk ta melel. Ichʼbeikun me batel li jbakiltake».+

32 Li sbakil Jose+ ti yichʼojik lokʼel ta Ejipto li j-israeletike te bat smukik ta Sikem, jaʼ li ta osil la sman Jakob ti jaʼ la smanbe li xnichʼnabtak Amore,+ li stot Sikeme. Sien ta sep takʼin+ la stoj li osile xchiʼuk jaʼ xa kʼot ta xrexto* li xnichʼnabtak Josee.+

22 Kʼalal jutuk xa ox skʼan xcham li Josee, ta skoj xchʼunel yoʼonton laj yalbe skʼoplal ti chlokʼik batel li j-israeletike xchiʼuk laj yal mantal ta sventa ti kʼu yelan chichʼ mukele.*+