14 La spas pokʼ ta stsotsil tentsun sventa smak li axibalnae, 11 ta lik la spas.+ 15 Li jujulik pokʼe 30 xukʼubil snatil xchiʼuk chanib xukʼubil sjamlej. Koʼol smukʼul li 11 ta lik pokʼe. 16 Vaʼun, ta jlik noʼox la spas li voʼlik pokʼe xchiʼuk ta jlik noʼox la spas li yan vaklik pokʼe. 17 Tee la spasbe 50 xchikin ta stiʼil li baʼyel jlik pokʼe xchiʼuk la spasbe 50 xchikin ta stiʼil li yan pokʼe sventa snupʼ sba xchiʼuk li baʼyel jlik pokʼe. 18 Jech xtok, la spas 50 lukajtik takʼin ta kovre sventa snupʼ sba li pokʼe, jaʼ jech pas ta jpʼej axibalna.