25 Li Moisese la stʼuj viniketik ti lek xtojobik li ta Israele, vaʼun la svaʼan ta bankilaletik li ta jteklume, ta bankilaletik sventa sbain jmil ta voʼ, bankilaletik sventa sbain sien ta voʼ, bankilaletik sventa sbain 50 ta voʼ xchiʼuk bankilaletik sventa sbain lajunvoʼ. 26 Jaʼ xa la xchapanik kʼalal oy kʼusi skʼan chapanele. Li kʼusi toj vokol ta chapanele jaʼ chtal yalbeik li Moisese,+ pe li bu mu toj vokoluke, te chchapan stukik.

16 »Xi laj kalbe mantal li jchapanvanejetik avuʼunik li vaʼ kʼakʼale: ‹Kʼalal chtal yakʼ sba ta chapanel junuk avermanoike, tukʼ me xachapanik+ li vinik xchiʼuk li yermanoe o mi jaʼ li jyanlum+ ti te nakal xchiʼuke.

4 Li Jeosafate te naki ta Jerusalen, laje bat skʼel yan velta li jnaklejetik ta Beer-Seba kʼalal to ta vitstikaltik yuʼun Efraine+ sventa xikʼan sutel ta stojolal li Jeova ti jaʼ Sdios smoltotakike.+ 5 La svaʼan jchapanvanejetik ta sjunul li yosilal Judae, ta skotol li jteklumetik ti lek joyajtik ta muroe.+