7 »Mi oy pas ta povre junuk avermano li ta osil bu chakʼ naklan li Jeova Dios avuʼune, mu me xatsatsubtas avoʼonton, ta slekiluk me avoʼonton xavakʼbe kʼusitik oy avuʼun li avermano ti abol sbae.+

10 Ta slekiluk avoʼonton xavakʼbe,+ mu me ta sujeluk xavakʼbe, yuʼun jaʼ ta skoj slekil avoʼonton chakʼbot bendision li Jeova Dios avuʼun ta skotol li kʼusi chapase xchiʼuk ta skotol kʼusiuk noʼox ti chavabtelane.+

38 Oyuk me kʼusi xavakʼilanbeik li yantike, vaʼun cha-akʼbatik ek.+ Chtanij xa me lokʼel li kʼusi achupoj ta yok akʼuʼik* ti lek tsʼakal spʼisole, ti tsinile, ti lek noje xchiʼuk ti tokol xae. Yuʼun ti kʼu yelan chapʼisvanike jaʼ jech chavichʼik pʼisel ek».

6 Jech kʼuchaʼal liʼe, li buchʼu jutuk noʼox tstsʼune jutuk noʼox tstsobbe sat xtok; yan li buchʼu ep tstsʼune ep tstsobbe sat xtok.+

17 Buchʼuuk noʼox ti oy kʼusi x-ayan yuʼun liʼ ta balumile, pe mi muʼyuk bu chkʼuxubin yermano kʼalal chil ti oy kʼusi chtun yuʼune, ¿kʼuxi xa noʼox chal ti skʼanoj li Diose?+