23 Li bankilaletik yuʼun jfilisteaetike la stsob sbaik yoʼ xchikʼik epal milbil matanal sventa li sdiosik Dagone+ xchiʼuk sventa spasik kʼin, yuʼun xi chalike: «¡Li jdiostike laj xa yakʼ ta jkʼobtik li kajkontratike, li Sansone!».

8 Li ta yokʼomale, li jfilisteaetike bat spojbeik li kʼusitik oy yuʼunik li buchʼutik chamik ta paskʼope, vaʼun te chamem la staik ta vits Guilboa+ li Saul xchiʼuk xnichʼnabtake. 9 La spojbeik li kʼusitik oy yuʼun Saule, la xtuchʼbeik sjol xchiʼuk laj yichʼbeik batel li yabtejebtake. Laje, la stakik batel j-almantaletik ta sjunul yosil jfilisteaetik sventa xalbeik li santoetik yuʼunike+ xchiʼuk sventa xalik batel ta steklumalik. 10 Li yabtejebtake te laj yakʼik ta sna* sdiosik xchiʼuk te la sjokʼanbeik ta sna Dagon+ li sbakil sjole.