2 Vaʼun, li David xchiʼuk skotol li viniketik te xchiʼuke batik ta Baale-Juda sventa xbat yichʼik tal li Xkaxa melel Diose,+ ti jaʼ te tsvaʼan sbaik ta yeloval kʼalal tstabeik ta albel sbi li Jeovae ti jaʼ li bankilal yuʼun soltaroetik*+ ti te chotol ta xchotleb ta sba* li keruvinetike.+

4 Jaʼ jech la xkuchik batel li Xkaxa melel Dios ti te oy ta sna Abinadab ti te xkom ta bikʼit vitse, li Aioe jaʼ jbabe batel ta yeloval li Kaxae.

5 Jaʼ yuʼun, li Davide la stsob skotol li Israel ti te nakalik ta yukʼumal* Ejipto kʼalal to ta Lebo-Amate*+ sventa xichʼik lokʼel ta Kiryat-Jearim+ li Xkaxa melel Diose.

7 Li Xkaxa melel Diose te la skajanik batel ta jkot achʼ kareta+ sventa slokʼesik batel li ta sna Abinadabe. Li karetae jaʼ yikʼojik batel li Usa xchiʼuk li Aioe.+