16 »Skotol li viniketik avuʼune oxib velta ta jabil skʼan xbatik ta yeloval Jeova Dios avuʼun ti bu tstʼuje: ta Skʼinal Pan ti Muʼyuk Slevaduraile,+ ta Skʼinal Xemanaetik+ xchiʼuk li ta Skʼinal Axibalnaetike.*+ Mu me buchʼu xokoluk skʼob xbat ta yeloval li Jeovae.

18 Akʼo mi kʼox kerem to li Samuele, te chtun ta stojolal Jeova+ xchiʼuk tstunes* jlik mokankʼuʼil ti pasbil ta linoe.+ 19 Jech xtok, li smeʼe tspasbe jlik uni natil kʼuʼil pokʼil ti muʼyuk skʼobe, jaʼo chichʼbe batel kʼalal chmuy batel jujun jabil xchiʼuk smalal sventa xbat yakʼik li milbil matanal ti chichʼ akʼel jujun jabile.+