12 Li vaʼ kʼakʼale, li Davide xiʼ tajek ta stojolal li melel Diose, xi laj yale: «¿Kʼuxi xa noʼox chkichʼbe batel Xkaxa melel Dios ti bu nakalune?».+ 13 Jaʼ yuʼun, li Davide muʼyuk xa xichʼ batel Kaxa ti bu nakale, li ta Steklumal Davide. Laj yal mantal ti xichʼik batel ta sna Obed-Edom ti likem ta Gate. 14 Li Xkaxa melel Diose te kom ti bu oy li yutsʼ yalal Obed-Edome, oxib u te kom, jaʼ yuʼun akʼbat bendision yuʼun Jeova li yutsʼ yalal Obed-Edome xchiʼuk skotol li kʼusitik oy ta snae.+